Gujarati News

Gujarati News

News of Thursday, 17th September 2020

સિવિલ હોસ્પિટલના કે.ટી. ચિલ્ડ્રન વિભાગ પાસે અજાણ્યા શખ્સે તોફાન કર્યુ

રાજકોટઃ વહેલી સવારે પાંચેક વાગ્યે સિવિલ હોસ્પિટલ કે. ટી. ચિલ્ડ્રન વિભાગના દરવાજા પર એક શખ્સે ધમાલ મચાવી દરવાજામાં લાકડીઓ ફટકારતાં દોડધામ મચી ગઇ હતી. સિકયુરીટીની ટીમે સમય સુચકતા વાપરી ગેઇટ બંધ કરી દીધો હતો. આ શખ્સ હાથમાં લાકડી અને પટ્ટો લઇને દોડાદોડી કરતો કરતો કે. ટી. ચિલ્ડ્રન વિભાગના ગેઇટ સુધી આવી ગયો હતો. કોઇએ આ શખ્સની મજાક કરતાં તે છંછેડાયો હતો અને તોફાન કર્યુ હતું. તેની માનસિક સ્થિતિ અંગે પણ શંકા વ્યકત કરાઇ હતી. પોલીસને જાણ થતાં તાકીદે પહોંચીને સમજાવીને તેને બહાર મુકી આવ્યા હતાં.

(2:43 pm IST)
  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના નેતા નરેન્દ્રભાઈ દવે સહિતના પરિવારજનોને કોરોના : કેએસપીસીના પ્રમુખ મહાત્મા ગાંધી લેબર ઈન્સ્ટીટ્યુટના વાઈસ ચેરમેન અને દેશના જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના પ્રાતસહઃ વ્યવસ્થા પ્રમુખ નરેન્દ્રભાઈ દવે સહિતના પરિવારને કોરોના પોઝીટીવ : ચિંતાની લાગણી access_time 11:19 am IST

  • અયોધ્યામાં નિર્માણ થઇ રહેલી મસ્જિદનું નામ ' બાબરી મસ્જિદ ' નહીં હોય : મસ્જિદને કોઈ નામ હોતા નથી : લોકો તેને જામા મસ્જિદ કે બાબરી મસ્જિદ તેવા નામ આપે છે : નવી નિર્માણ પામનારી મસ્જિદમાં હોસ્પિટલ ,લાયબ્રેરી ,પ્રદર્શન ,સહીત જુદા જુદા વિભાગો પણ તૈયાર કરાશે : મસ્જિદના આર્કીટેક પ્રોફેસર ડો.સૈયદ મોહમ્મદ અખ્તર access_time 12:05 pm IST