Gujarati News

રાજકોટ તા. ૩૦: જંગલેશ્વરની એકતા કોલોનીમાં રહેતાં મહેશભાઇ લાલજીભાઇ ઝંઝવાડીયા (કોળી) (ઉ.વ.૪૫)એ શરીરે કેરોસીન રેડી કાંડી ચાંપી આપઘાતનો પ્રયાસ કરતાં ગંભીર રીતે દાઝી જતાં સિવિલ હોસ્પિટલમાં ખસેડાયા છે.

બનાવ અંગે હોસ્પિટલ ચોકીના વાલજીભાઇ નિનામાએ ભકિતનગરમાં જાણ કરી હતી. મહેશભાઇ ચાર ભાઇ અને બે બહેનમાં નાના છે. તેને સંતાનમાં એક પુત્ર અને એક પુત્રી છે. પોતે છુટક મજૂરી કરતાં હતાં. પરંતુ હાલમાં કંઇ કરતાં ન હોઇ બહેનો તેને બે સમય ભોજન આપે છે. પરિવારજનોના કહેવા મુજબ ત્રણેક વર્ષ પહેલા મહેશભાઇને છોડીને તેના પત્નિ બીજા સાથે જતાં રહ્યા હોઇ ત્યાંરથી તે સતત ટેન્શનમાં રહે છે. હાલમાં તેનો દિકરો-દિકરી પણ નવાગામ અલગ રહે છે. કેટલાક સમયથી માનસિક તકલીફ થઇ ગઇ હોઇ તેની દવા પણ ચાલી રહી છે. એકલતાથી કંટાળી જઇ અગ્નિસ્નાન કરી લીધું હતું.