Gujarati News

(મેઘના વિપુલ હિરાણી દ્વારા) ભાવનગર, તા., ૫ : ભાવનગર મહાનગર પાલીકાની ચુંટણી માટે ભાજપનાં ઉમેદવારોએ આજે બપોરે પોતાનું ઉમેદવારી ફોર્મ ભર્યુ હતું.

આગામી તા.ર૧ ફેબ્રુ. એ યોજાનાર ભાવનગર મહાનગર પાલીકાની ચુંટણીમાં ઉમેદવારી ફોર્મ ભરવાનો કાલે છેલ્લો દિવસ છે. ભાજપ દ્વારા તેનાં પર ઉમેદવારોની યાદી જાહેર કરાયા બાદ આજે શુક્રવારે બપોરે તમામ ઉમેદવારોએ પોતાની ઉમેદવારી ફોર્મ રજુ કરી હતી. સવારે ૧૧ વાગ્યે શહેર ભાજપ કાર્યાલય ખાતે ઉમેદવારો તેના ટેકેદારો-કાર્યકરો સાથે બહોળી સંખ્યામાં એકઠા થયા હતા અને બપોરે ૧.૩૯ મીનીટે તમામ ઉમેદવારોએ ઉમેદવારી ફોર્મ રજુ કર્યા હતા. ભાજપે પર માં ૧રને રીપીટ કર્યા છે અને ૪૦ નવા ચહેરાને ટીકીટ આપી છે.

હવે ઉમેદવારી ફોર્મ ભરવાનો કાલે છેલ્લો દિવસ હોય આજે ઉમેદવારી ફોર્મ ભરવામાં ઉમેદવારોની કતાર લાગી હતી. મહાપાલીકાની ચુંટણીમાં તા.૬ ફેબ્રુઆરીએ ઉમેદવારી પત્રો ભરવાનો અંતિમ દિવસ રહેશે. તા. ૮મીએ ઉમેદવારો પત્રોની ચકાસણી કરવામાં આવશે. આગામી તા. ૯ મીએ ઉમેદવારી પત્રો પરત ખેંચવાનો અંતીમ દિવસ રહેશે. તા.ર૧મી મતદાન અને ર૩મીએ મત ગણતરી હાથ ધરાશે.

ભાજપ દ્વારા કોર્પોરેશનની ચુંટણીમાં કડવા અને લેઉવા પાટીદાર સમાજમાંથી ટીકીટ આપે છે. આ વર્ષે કડવા પાટીદાર સમાજના આગેવાનોને ટીકીટ ફાળવણી માટે ખાતરી આપી હતી. તેમ છતાં જાહેર કરેલા ઉમેદવારોમાં એક પણ કડવા પાટીદાર સમાજમાંથી ઉમેદવારની પસંદગી નહી કરાતા કડવા પાટીદાર સમાજમાં ભારે રોષ ફેલાયો હતો અને કડવા પટેલ સમાજના આગેવાનો ભાજપ કાર્યાલય પહોંચી કડવા પાટીદાર સમાજમાંથી ટીકીટ આપવા માંગણી કરી હતી. કડવા પાટીદાર સમાજ ઉપરાંત કુંભાર, દરજી, મોચી સહીતની ઓછી વસ્તી ધરાવતા સમાજમાંથી એક પણ ટીકીટ નહી ફાળવતા નાની-નાની જ્ઞાતિમાં પણ કચવાટ ફેલાયો છે. તદુપરાંત કાળીયાબીડ ક્ષત્રીય સમાજમાં પુરૂષને ટીકીટ આપવાની માંગણી કરવા સાથે છેક પ્રદેશ સુધી પહોંચ્યા હોવા છતા મહીલાને ટીકીટ આપતા તેમાં પણ આગામી દિવસોમાં નવા જુનીના એંધાણ વર્તાઇ રહયા છે.

ભાવનગર કોર્પોરેશનમાં કયા વોર્ડમાં કોને ટીકીટ

(મેઘના વિપુલ હિરાણી દ્વારા) ભાવનગર, તા., પઃ ભારતીય જનતા પાર્ટી ગુજરાત પ્રદેશ પાર્લામેન્ટરી બોર્ડ દ્વારા આગામી સ્થાનીક સ્વરાજય ચુંટણી પૈકી ભાવનગર મહાનગર પાલીકાના ભારતીય જનતા પાર્ટીના ઉમેદવારોની યાદી પ્રદેશ અધ્યક્ષશ્રી સી.આર.પાટીલની સુચના અનુસાર જાહેર કરવામાં આવે છે.