Gujarati News

Gujarati News

News of Monday, 17th May 2021

આજે રાત્રે તૌકતે વાવાઝોડું પોરબંદર-મહુલાના દરિયાકાંઠે ટકરાશે :150થી 175 કિમી પ્રતિ કલાકની ઝડપે પવન ફુંકાવવાની શકયતા .

પોરબંદર, અમરેલી, જૂનાગઢ, ગીર સોમનાથ, ભાવનગરમાં નુક્શાનની ભીતિ :સૌરાષ્ટ્રના અનેક ભાગોમાં ભારે વરસાદની આગાહી

રાજકોટ :સૌરાષ્ટ્ર તરફ આગળ વધતાં તૌકતે વાવાઝોડાને લઈને હવામાન વિભાગે નવું બુલેટિન જાહેર કર્યું છે. જેમાં જણાવાયું છે કે વાવાઝોડું 18 કિમી પ્રતિ કલાકની ઝડપથી આગળ વધી રહ્યું છે. હાલ તે વેરાવળથી 350 કિમી, દીવથી 310 કિમી દૂર છે.

આજે સાંજ સુધીમાં વાવાઝોડુ ગુજરાતના દરિયાકાંઠે ત્રાટકશે. પોરબંદર-મહુલાના દરિયાકાંઠે તૌકતે ટકરાશે. આ સાથે જ મંગળવારે અહીં પવનની ગતિ 150થી 175 કિમી પ્રતિ કલાક હોય શકે છે.

ભારે પવન સાથે ગુજરાતમાં અનેક શહેરોમાં વરસાદ થઈ શકે છે. જ્યારે આજે સૌરાષ્ટ્રના વિવિધ ભાગોમાં બપોર બાદ વરસાદ થઈ શકે છે. કચ્છ અને દીવમાં પણ ભારે વરસાદ થવાની આગાહી કરવામાં આવી છે.

આ સાથે જ હવામાન વિભાગે માછીમારોને 2 દિવસ દરિયો ન ખેડવા સુચના આપી છે. હવામાન વિભાગની આગાહી અનુસાર વાવાઝોડાના કારણે પોરબંદર, અમરેલી, જૂનાગઢ, ગીર સોમનાથ, ભાવનગરમાં મહત્તમ નુકસાન થઈ શકે છે.

(10:00 am IST)
  • બંગાળની રાજનીતિમાં જબરો ગરમાવો : પશ્ચિમ બંગાળના નારદા સ્ટિંગ કેસમાં CBI દ્વારા ધરપકડ કરાયેલા ચાર ટીએમસી નેતાઓની જામીન પર કલકત્તા હાઇકોર્ટે મોડી સાંજે રોક લગાવીને સ્ટે આપ્યો છે. હાઇકોર્ટે આ કેસમાં આગામી સુનાવણી માટે 19 મેની તારીખ નક્કી કરી છે. access_time 11:28 pm IST

  • ૧૫ જૂન સુધી પુરીનું જગન્નાથજીનું મંદિર દર્શનાર્થીઓ માટે બંધ રહેશે ઓડિશા અને જગન્નાથ પુરીમાં કોવિડ -19 કેસોમાં વધારો થતાં ભગવાન જગન્નાથજી મંદિરના અધિકારીઓએ આ ૧૨ મી સદીનું મંદિર ૧૫ જૂન સુધી ભક્તો માટે બંધ રહેશે તેવી જાહેરાત કરી છે. ઓડિશા સરકારે રાજ્યમાં લોકડાઉન લગાવ્યા બાદ ૫ મેથી આ જગ વિખ્યાત મંદિર દર્શન માટે બંધ કરાયું છે. access_time 9:27 am IST

  • વાવાઝોડાની ઇફેક્ટ : જૂનાગઢ ના ચોરવાડ માં અતિભારે ફૂંકાતા પવનને કારણે નારીયેલીના ઝાડ પડતા 2 માળ નું મકાન થયું ઘરાશાઈ access_time 11:46 pm IST