Gujarati News

મોરબી જીલ્લાની ગ્રામ પંચાયત ચુંટણીની મત ગણતરીઓ યોજાઈ રહી છે જેમાં મોરબી તાલુકામાં આવતી ત્રાજપર ગ્રામ પંચાયત ચુંટણીમાં હળવદના ધારાસભ્ય પરષોતમભાઈ સાબરીયાના પત્ની મેદાને હતા જોકે ધારાસભ્યના પત્નીને હારનો સામનો કરવો પડ્યો છે

હળવદના ધારાસભ્ય પરષોતમભાઈ સાબરીયાના પત્ની જશુબેન સાબરીયાએ ત્રાજપર ગ્રામ પંચાયત ચુંટણીમાં ઉમેદવારી નોંધાવી હતી અને ત્રાજપર ગ્રામ પંચાયત ચુંટણીની મત ગણતરી પૂર્ણ થતા ધારાસભ્યના પત્નીની હાર થઇ હતી ત્રાજપર ગ્રામ પંચાયત સીટ પરથી જયંતીભાઈ ઝીન્ઝુંવાડિયાનો વિજય થયો હતો
ભાજપના સીટીંગ ધારાસભ્યના પત્ની ગ્રામ પંચાયતની ચુંટણી હારી જતા મેજર અપસેટ સર્જાયો હતો ઉલ્લેખનીય છે કે પરષોતમ સાબરીયા અગાઉ કોંગ્રેસ પક્ષ સાથે જોડાયેલ હતા અને બાદમાં ભાજપનો ભગવો ધારણ કર્યો હતો ત્યારે તેમના પત્ની પોતાના વિસ્તારમાં હારી જતા મતદારોએ અલગ મિજાજના દર્શન કરાવ્યા હોવાનું પણ જણાઈ આવે છે.