Gujarati News

મોરબીમાં અનુસ્નાતક કક્ષાએ શ્રેષ્ઠ પર્યાય ગણાતી પી.જી.પટેલ કોલેજની વિધાર્થીનીઓએ સૌરાષ્ટ્ર યુનીવર્સીટી દ્વારા તાજેતરમાં જાહેર થયેલ M.Com Sem-3 ના પરિણામમાં સમગ્ર યુનીવર્સીટીમાં મોરબીનું અનેપી.જી.પટેલ કોલેજનું ગૌરવ વધાર્યું છે. અનુભવી નિષ્ણાતો દ્વારા શિક્ષણ અને સચોટ માર્ગદર્શન થકી કઈ રીતે સફળતાના શિખરો સર કરી શકાય તે સાબિત કરી બતાવ્યું છે.
પી.જી.પટેલ કોલેજની વિધાર્થીનીઓ જાકાસણીયા બંસી અમૃતલાલ એ સમગ્ર યુનીવર્સીટીમાં દ્વિત્ય ક્રમાંક પ્રાપ્ત કર્યો છે જયારે ધાન્જા હેતલ દિલીપભાઈ એ સમગ્ર યુનીવર્સીટીમાં છઠો ક્રમાંક પ્રાપ્ત કર્યો છે. વિદ્યાર્થીનીઓની આ અદભુત સિદ્ધી બદલ કોલેજના પ્રમુખશ્રી દેવકરણ ભાઈ તથા આચાર્યશ્રી ડો.રવીન્દ્ર ભટ્ટ તથા સમગ્ર સ્ટાફગણ દ્વારા બંને વિધાર્થીનીઓને ખુબ ખુબ અભિનંદનપાઠવામાં આવ્યા હતા.