Gujarati News

મોરબી જીલ્લામાં ચોરીના બનાવો સતત વધી રહ્યા છે પરંતુ પોલીસ કાયદો વ્યવસ્થાની સ્થિતિ કાબુમાં હોવાના કરતી રહી છે પણ ગત રાત્રીના તસ્કરોએ હાઈવે પર બે મોટા કોમ્પલેક્ષમાં એક સાથે ૪૦ જેટલી દુકાનોને નિશાન બનાવી હતી અને પરચુરણ વસ્તુની ચોરી કરવામાં આવી હોવાની માહિતી મળી છે એક સાથે ૪૦ જેટલી દુકાનોમાં ચોરીની ધટના બનતા પોલીસના નાઈટ પેટ્રોલિંગના દાવા પોકળ સાબિત થઇ રહ્યા છે

મળતી માહિતી મુજબ મોરબી વાંકાનેર હાઈવે પર આવેલ સિરામિક પ્લાઝા-૧ અને સિરામીક પ્લાઝા-૨ માં વહેલી સવારના સુમારે તસ્કરો ત્રાટકીયા હતા અને બંને કોમ્પલેક્ષ મળીને ૪૦ જેટલી દુકાનોમાં ચોરીને અંજામ આપ્યો હતો. સવારના સુમારે દુકાનદારો પોતાની ઓફિસે પહોચતાની સાથે જ ખળભળાટ મચી જવા પામ્યો હતો અને ૪૦ દુકાનોમાં ચોરી થઇ હોવાની માહિતી મળી હતી તો ધટનાની જાણ થતા જ મોરબી બી ડીવીઝન પોલીસ પણ દોડી આવી હતી અને તપાસ હાથ ધરવામાં આવી હતી તો તસ્કરોને પરચુરણ વસ્તુઓ હાથે લાગે જેમાં છે જેમાં રોકડ રકમ, લેપટોપ તેમજ ૧૦ જેટલી  ઓફીસમાંથી એસીના કોપર વાયરની ચોરી કરી હોવાનું સામે આવ્યું હતું.

  આ બંને કોમ્પલેક્ષમાં સિરામિક માર્કેટિંગ અને ટ્રેડીંગના વ્યવસાય સાથે સંકળાયેલા ધંધાર્થીઓ વ્યવસાય કરે છે તો એક સાથે ૪૦ જટેલી દુકાનોમાં ચોરીને અંજામ આપનાર તસ્કરોએ પોલીસને ખુલ્લો પડકાર ફેકી રહ્યા હોય તેમ ચોરીને અંજામ આપી રહ્યા છે તો પોલીસ પણ નાઈટ પેટ્રોલિંગના દાવા કરે છે પણ આવા બનાવો બનતા જ તે તમામ દાવાઓ પોકળ સાબિત થાય છે તો રેંજ આઈજીની થોડા દિવસ પહેલાની મુલાકત સમયે પત્રકાર પરિષદ સંબોધી જીલ્લામાં સ્થિતિ કાબુમાં હોવાના દાવા કરે છે પણ સાહેબ આ તે કેવી સ્થિતિ કાબુમાં છે ? તસ્કરો બેફામ બનીને ફરી રહ્યા છે ક્યા છે પોલીસ ? પોલીસનો ડર નથી આ તસ્કરોને? તેવા સવાલો પણ ઉથી રહ્યા છે