Gujarati News

Gujarati News

News of Friday, 2nd October 2020

વડોદરા જિલ્લાના વાઘોડિયા તાલુકામાં વીજ કંપનીના ટ્રાન્સફર તોડી ચોરીના પ્રયાસમાં પોલીસે શખ્સ વિરુદ્ધ ગુનો દાખલ કર્યો

વડોદરા:જિલ્લાના વાઘોડિયા તાલુકામાં આવેલા ગણેશપુરા ગામમાં લાગેલા વીજ કંપનીના ટ્રાન્સફરને તોડી કોપર અને ઓઇલની ચોરી કરી જવાના મામલે ઇજનેરે વાઘોડિયા પોલીસ મથકે ફરિયાદ નોંધાવી હતી. પોલીસે અજાણ્યા શખ્સ વિરૂદ્ધ ગુનો નોંધી કાયદેસરની કાર્યવાહી હાથ ધરી હતી.

એમજીવીસીએલમાં જુનિયર ઇજનેર તરીકે ફરજ બજાવતાં ધ્રુવેશ ભાઈ ચૌહાણ વાઘોડિયા પોલીસ મથકે ફરિયાદ નોંધાવી હતી. જેમાં જણાવ્યું હતું કે, ગણેશપુરા ગામની સીમમાં આવેલા કુવા ઉપર મુકવામાં આવેલા ઈલેક્ટ્રીક ટ્રાન્સફોર્મરને કોઈ અજાણ્યા શખ્શે તોડી અંદરથી કોપરની કોયલો તથા ઓઇલની ચોરી કરી હતી અને પબ્લિક પ્રોપર્ટીને 15400 નુકસાન પહોંચાડયું છે. 

ફરિયાદના આધારે વાઘોડિયા પોલીસે વિદ્યુત અધિનિયમ 2003 ની ધારા 136 મુજબ અજાણ્યા શખ્સ વિરૂદ્ધ ગુનો નોધી તેની ધરપકડના ચક્રો ગતિમાન કર્યા હતા.

(5:43 pm IST)
  • ૩૧ ઓકટોબર સુધીમાં જ ફી ભરનારા વાલીઓને ફીમાં ૨૫ ટકાની રાહત મળશેઃ૩૧ ઓકટોબર સુધીમાં જ ફી ભરનારા કે ગત વર્ષે ફી નહિ ભરી હોય તેવા વાલીઓને ફીમાં ૨૫ ટકાની રાહત નહિ આપવાનો રાજય સરકાર દ્વારા નિર્ણય કર્યો હોવાનું જાણવા મળે છેઃ આવો નિર્ણય જાહેર કરતા ઓલ ગુજરાત વાલી મંડળ દ્વારા સ્કુલ સંચાલકોના નિર્ણયનો વિરોધ કરી સરકારમાં ફરીથી રજુઆત કરવાની ચીમકી આપી હોવાનું જાણવા મળે છે access_time 11:25 am IST

  • દાદાને શ્રદ્ધાંજલિ આપી નાનપણની તસવીર શેર કરી : સ્વર્ગસ્થ વડાપ્રધાન લાલ બહાદુર શાસ્ત્રીના આજે ૧૧૬માં જન્મદિવસ નિમિત્તે તેમના સૌથી મોટા પુત્ર સંજય નાથ સિંઘે ટ્વિટર ઉપર દાદાને યાદ કરી શ્રદ્ધાંજલિ આપી નાનપણની આ તસવીર શેર કરી છે. તેઓ ટાટા સ્ટીલમાં કામ કરી રહ્યા છે અને ઓલ ઈન્ડિયા ફાર્મર્સ એસોસિએશનના વર્કિંગ પ્રેસિડેન્ટ પણ છે. access_time 4:43 pm IST

  • પંજાબમાં રાત્રી કર્ફ્યુ તથા રવિવાર માટે લોકડાઉનમાંથી મુક્તિ : અનલોક 5 અંતર્ગત ચીફ મિનિસ્ટર કેપટન અમરિન્દર સિંઘની ઘોષણાં : માસ્ક પહેરવા સહીત અન્ય સુરક્ષા નિયમોનું ચોક્કસપણે પાલન થાય તે જોવા ડીજીપી ને સૂચના આપી access_time 8:00 pm IST