Gujarati News

Gujarati News

News of Thursday, 17th September 2020

ગાંધીનગર તાલુકાના સરઢવમાં બિનઅધિકૃત કોમ્પ્લેક્ષ બનાવી દેવામાં આવતા તંત્રદ્વારા નોટિસ ફટકારવામાં આવી

ગાંધીનગર:સરઢવમાં વર્ષ ૨૦૧૧માં ગૌચરની જમીન ઉપર શોપીંગ કોમ્પ્લેક્ષ ઉભું કરી દેવામાં આવ્યું હતું. જેનો વિવાદ છેલ્લા ઘણા વખતથી ચાલતો હતો. ઉચ્ચકક્ષાએથી દબાણ આવતાં વારંવાર અધિકારીઓએ નોટિસ પણ આપી હતી. ત્યારે આખરે આજે વિવાદાસ્પદ બિન અધિકૃત કોમ્પ્લેક્ષને ભારે પોલીસ બંદોબસ્ત વચ્ચે જમીનદોસ્ત કરી દેવામાં આવ્યું હતું.

ગાંધીનગર તાાલુકાના સરઢવ ગામમાં ગૌચર સર્વે નં.૮૫૩ તથા ૧૬૩૭ એમ બંને નંબરમાં ૧૮ અને ૨૪ મળીને કુલ ૪૨ દુકાનો બિનઅધિકૃત કોમ્પ્લેક્ષ બનાવી દેવામાં આવ્યું હતું. વર્ષ ૨૦૧૧માં જ્યારે આ કોમ્પ્લેક્ષ બનાવવામાં આવ્યંુ હતું. ત્યારબાદ વહિવટી તંત્ર દ્વારા વારંવાર નોટિસો આપવામાં આવી હતી તેમ છતાં સ્થાનિક તંત્ર દ્વારા આ ૪૨ દુકાનોનું શોપીંગ સેન્ટર તોડવામાં આવતું ન હતું.

તો બીજી બાજુ ગામમાં રાજકીય હુંસાતુંસીના કારણે આ બિનઅધિકૃત દબાણનો વિવાદ વકર્યો હતો જેને લઇને મામલો સચિવાલય સુધી પહોંચ્યો હતો. ત્યાંથી આ દબાણ તોડવા માટે જિલ્લા વિકાસ અધિકારી અને તાલુકા વિકાસ અધિકારી ઉપર દબાણ આવ્યું હતું.

(5:13 pm IST)
  • કોરોના વાઇરસથી સંક્રમિત બીજેપી સાંસદ અશોક ગાસતિનું નિધન : હજુ બે મહિના પહેલા રાજ્યસભાના સાંસદ તરીકે શપથ લીધા હતા : ગઈકાલ બુધવારે તિરુપત્તીના લોકસભાના સાંસદ બલ્લી દુર્ગાપ્રસાદ રાવનું કોરોના વાઇરસને કારણે અવસાનથયું : આજ ગુરુવારે બીજા સાંસદનો કોરોના વાયરસે ભોગ લીધો : 2 દિવસમાં 2 સાંસદની ચિર વિદાય access_time 6:23 pm IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • દેશમાં કોરોનાનો કહેર યથાવત :રાત્રે 11-30 વાગ્યા સુધીમાં નવા 97.856 પોઝીટીવ નોંધાયા : કુલ કેસની સંખ્યા 51.15.893 થઇ : એક્ટિવ કેસ 10.09.886 થયા : વધુ 82,922 દર્દીઓ સ્વસ્થ થતા 40.22.049 રિકવર થયા : વધુ 1140 લોકોના મોત : મૃત્યુઆંક 83,230 થયો access_time 1:06 am IST