Gujarati News

Gujarati News

News of Sunday, 20th September 2020

વિધાનસભા સત્ર પહેલા કોંગ્રેસનાં 4 અને ભાજપના 2 ધારાસભ્યોને કોરોના પોઝિટિવ

તમામ ધારાસભ્યોને વિધાનસભામાં એન્ટ્રી નહી આપવામાં આવે.

અમદાવાદ : કોરોનાની મહામારી વચ્ચે 21 મી સપ્ટેમ્બરથી વિધાનસભાનું ચોમાસુ સત્ર શરૂ થશે. આ સત્રમાં 24 જેટલા સરકારી વિધેયકો પસાર કરવામાં આવશે. જો કે સત્ર પહેલા મંત્રીઓ સહિત તમામ ધારાસભ્યોનાં કોરોના રિપોર્ટ કરવામાં આવ્યા હતા. જેમાં કોંગ્રેસના 4 ધારાસભ્યો અને ભાજપના 2 ધારાસભ્યોના કોરોના રિપોર્ટ પોઝિટિવ આવ્યા હતા

 . આ ટેસ્ટિંગમાં કોંગ્રેસનાં ચાર ધારાસભ્યો પુનાભાઇ ગામીત (વ્યારા), નાથાભાઇ પટેલ (ધાનેરા) વિરજી ઠુમ્મર (લાઠી) જશુભાઇ પટેલ (બાયડ) નો કોરોના રિપોર્ટ પોઝિટિવ આવ્યો હતો. જ્યારે ભાજપના પારડીના ધારાસભ્ય કનુ દેસાઇ અને સાણંદના ધારાસભ્ય કનુ પટેલનો કોરોના રિપોર્ટ પોઝિટિવ આવ્યો હતો. હાલ આ તમામ ધારાસભ્યોને વિધાનસભામાં એન્ટ્રી નહી આપવામાં આવે. તેમને ક્વોરન્ટીન કરવામાં આવ્યા છે.

(11:24 pm IST)
  • ગોધરામાં 325 કરોડના ખર્ચે નવી મેડિકલ કોલેજ બનશે :સિવિલ હોસ્પિટલને અપડેટ કરાશે: નાયબ મુખ્યમંત્રી નીતીનભાઇ પટેલ ની જાહેરાત access_time 6:31 pm IST

  • અમદાવાદ સિવિલ હોસ્પિટલની અનોખી પહેલ: દેશમાં સૌપ્રથમ વખત કોરોનાગ્રસ્ત મોટી ઉંમરના દર્દીઓ માટે જીરીયાટ્રીક વોર્ડ શરૂ : કોરોના વાયરસની ગંભીરતા જોતા મોટી ઉંમરના વયસ્ક દર્દીઓના સ્વાસ્થયની દરકાર કરીને અમદાવાદ સિવિલ હોસ્પિટલ દ્વારા આ અનોખી પહેલ હાથ ધરવામાં આવી છે. access_time 2:26 pm IST

  • ડીઝલનાં ભાવમાં આજે સાતમા દિવસે પણ ઘટાડો: પેટ્રોલના ભાવ બે દિ'થી સ્થિર : ડીઝલનાં ભાવમાં ગઇ કાલે પ્રતિ એક લિટરે 22 પૈસાનાં ઘટાડા બાદ આજે ફરી 25 પૈસાનો ઘટાડો થયો છે. ઓઇલ કંપનીઓ દ્વારા છેલ્લા સાત દિવસથી પેટ્રોલ ડીઝલના ભાવમાં ઘટાડો કરવામાં આવી રહયો છે. જો કે છેલ્લા બે દિવસથી માત્ર ડીઝલનાં ભાવમાંજ ઘટાડો થયો છે. પેટ્રોલના ભાવ યથાવત છે. (વિજય વસાણી, આટકોટ) access_time 2:34 pm IST