Gujarati News

Gujarati News

News of Sunday, 25th October 2020

લગ્ન અને દુઃખદ પ્રસંગો જેવા સામાજિક મેળાવડામાં ૧૦૦ને બદલે ૨૦૦ વ્યકિતની છૂટ આપવા ગુજરાત વ્યાપારી મહામંડળની મુખ્યમંત્રીને રજૂઆતઃ કેટરીંગ મંડળ, ડેકોરેશન, સાઉન્ડ સિસ્ટમ અને હોટલ-રેસ્ટોરન્ટ જેવા વેપાર-ધંધાઓને પડી રહેલો માર દૂર કરવા છૂટ આપવી જરૂરી

અમદાવાદ: કેટરીંગ, મંડપ સર્વિસ, સાઉન્ડ સીસ્ટમ તેમજ અમુક હોટલ રેસ્ટોરન્ટ જેવા ધંધાઓ સાથે સંકળાયેલા વ્યક્તિઓના જીવન નિર્વાહ માટે 100ના સ્થાને 200 વ્યક્તિઓ સુધીની મર્યાદા કરવાની છૂટ આપવા માટે ગુજરાત વેપારી મહામંડળે ( GCCI ) ગુજરાતના મુખ્યમંત્રી સમક્ષ રજૂઆત કરી છે.

ગુજરાત ચેમ્બર એન્ડ કોમર્સ એન્ડ ઇન્ડસ્ટ્રી ( GCCI ) ના પ્રમુખ નટુભાઇ પટેલે ગુજરાતના મુખ્યમંત્રીને ઉદ્દેશીને લખેલા પત્રમાં જણાવ્યું છે કે, કેન્દ્રીય ગૃહ મંત્રાલયે 1 ઓક્ટોબરના રોજ જાહેરનામામાં જણાવ્યા પ્રમાણે સામાજિક, શૈક્ષણિક, રમત ગમત, મનોરંજન, સાંસ્કૃતિક પ્રવૃત્તિઓ, ધાર્મિક, રાજકીય સમારોહ વગેરે માટે 1લી સપ્ટેમ્બરના રોજ જાહેરનામાંથી નિયત કરવામાં આવેલા 100 વ્યક્તિઓની મર્યાદા તા. 15મી ઓક્ટોબર સુધી યથાવત રાખવામાં આવી છે. ત્યાર પછીની માર્ગદર્શિકાઓ ગૃહ વિભાગ દ્રારા બહાર પાડવામાં આવશે તેવું જણાવવામાં આવ્યું છે.

તેમણે વધુમાં જણાવ્યું કે, લોકડાઉન અને કોરોના મહામારીના કારણે વેપાર/ ઉદ્યોગને ખૂબ જ મંદીનો સામનો કરવો પડ્યો છે. આમ પણ ખાસ કરીને લગ્ન મરણનાં પ્રસગો સાથે ખાસ સંકળાયેલા ધંધાઓ જેવાં કે કેટરીંગ, મંડપ સર્વિસ, સાઉન્ડ સિસ્ટમ તેમજ અમુક હોટલ રેસ્ટોરન્ટ જેવાં ધંધાઓને ખૂબ જ માઠી અસર પડી છે.

આ ધંધાઓ મોટા પ્રમાણમાં રોજગારી આપનારી હોવાથી તેની સાથે જોડાયેલા વ્યક્તિઓને તેમના જીવન નિર્વાહમાં ખૂબ મુશ્કેલી પડી રહી છે. 30/9/2020ના કેન્દ્ર સરકારના ગૃહ વિભાગ દ્રારા બહાર પાડેલી માર્ગદર્શિકાઓમાં તા. 15મી ઓક્ટોબર પછી સામાજીક, શૈક્ષણિક, રમતગમત, મનોરંજન, સાંસ્કૃતિક પ્રવત્તિઓ વગેરે માટે 200 વ્યક્તિઓ સુધીની મર્યાદા કરી શકવાની છૂટ રાજ્ય સરકારોને આપવામાં આવી છે. તેથી ઉપરોક્ત પ્રવૃત્તિઓ માટે જો 15મી ઓક્ટોબર પછી રાજ્યના ગૃહ વિભાગની માર્ગદર્શિકામાં લગ્ન મરણ પ્રસંગમાં 200 વ્યક્તિઓ સુધીની છૂટ જાહેર કરવામાં આવે તો નાના મોટા વેપાર/ ધંધાઓને ખૂબ મોટું પ્રોત્સાહન મળી રહશે. જેથી વહેલીતકે આ જાહેરાત કરવામાં આવે તેવી માંગણી કરી છે.

અત્રે ઉલ્લેખનીય છે કે માર્ચ મહિનામાં લોકડાઉન બાદ હવે અનલોક પણ કરી દેવામાં આવ્યું છે. જેમાં અનેક ધંધા રોજગાર શરૂ થઈ ગયા છે. ત્યાં સુધી કે સિનેમાગૃહોને પણ છૂટ આપી દેવામાં આવી છે. જો કે વ્યક્તિઓની મર્યાદાના કારણે સાઉન્ડ, કેટરીંગ, મંડપ સર્વિસ સહિતના ધંધા પુરી રીતે શરૂ થઈ શક્યાં નથી.

(5:18 pm IST)
  • દેશમાં કોરોના ધીમો પડ્યો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 49,865 કેસ નોંધાયા:કુલ કેસનો આંકડો 78,63,533 થયો :એક્ટીવ કેસ ઘટીને 6,68,395 થયા:વધુ 61,704 દર્દીઓ સ્વસ્થ થતા કુલ 70,75,273 રિકવર થયા :વધુ 567 લોકોના મોત સાથે કુલ મૃત્યુઆંક 1,18,559 થયો: access_time 1:30 am IST

  • આર્મેનીયા-અઝરબૈજાન જંગમાં ૫ હજાર મોતઃ વિશ્વ ઉપર યુદ્ઘનું મોટું જોખમઃ અમેરિકા યુદ્ઘ સમાપ્તિ માટે કાર્યરત : આર્મેનિયા અને અઝરબૈજાન વચ્ચે ચાલી રહેલા યુદ્ઘને સમાપ્ત કરવા માટે અમેરિકા આગળ આવ્યું છે. અમેરિકાના વિદેશ મંત્રી માઈક પોમ્પિયોએ બંને દેશોના નેતાઓ સાથે મુલાકાત કરી, જેથી સમાધાનને શકય બનાવી શકાય. જો કે, તેઓ સફળ થાય તેવી આશા ખૂબ જ ઓછી દેખાઈ રહી છે. access_time 3:04 pm IST

  • કોરોના સામે ભારત વહેલું જાગી ગયું હતું: વર્લ્ડ ઈકોનોમીક ફોરમ : વર્લ્ડ ઈકોનોમીક ફોરમના વડા ક્લોઝ સ્કવાબે કહ્યું છે કે કોરોના મહામારીમાં ભારતે સારી રીતે અને વહેલા પગલાઓ લીધા હતા. access_time 2:20 pm IST