Gujarati News

Gujarati News

News of Friday, 2nd October 2020

એચ૧બી વિઝા પરના પ્રતિબંધ સામે ન્યાયધીશે મનાઇ ફરમાવી

રાષ્ટ્રપતિએ પોતાના બંધારણીય સત્તાનો દુરૂપયોગ કર્યો : જજ

વોશિંગ્ટન તા. ૨ : અમેરિકાના રાષ્ટ્રપતિ ડોનાલ્ડ ટ્રમ્પ દ્વારા એચ૧બી વિઝા પર મૂકવામાં આવેલા પ્રતિબંધ ઉપર મનાઇ હુકમ ફરમાવી દેવામાં આવ્યો છે. એક ફેડરલ ન્યાયધીશે ટ્રમ્પ દ્વારા જુનમાં જારી થયેલ એચ૧બી વિઝા પ્રતિબંધના આદેશને એવું કહીને રોકી દીધો છે કે રાષ્ટ્રપતિ તેમના બંધારણીય અધિકારને પાર કરી ગયા છે.

આ આદેશ કેલિફોર્નિયાના ઉત્તર જિલ્લાના જિલ્લા ન્યાયધીશ જેફરી વ્હાઇટ દ્વારા જારી થયેલ છે.

વાણીજ્ય વિભાગ અને હોમલેન્ડ સુરક્ષા વિભાગની સામે નેશનલ એસો. ઓફ મેન્યુ., યુએસ ચેમ્બર, નેશનલ રિટેલ ફેડરેશન અને ટેકનેક દ્વારા આ અંગે અરજી થઇ હતી.

જુનમાં ટ્રમ્પે આદેશ જારી કર્યો હતો કે ઘરઆંગણે નોકરી બચાવવા માટે એચ૧બી અને એચ૨બી, જે અને જેલ વીઝા સહિત અન્ય વિદેશી વિઝા જારી કરવા પર હંગામી પ્રતિબંધ રહેશે.

આ પગલા સામે અનેક આઇટી કંપનીઓ સહિતનાઓએ આ સામે વિરોધ નોંધાયો હતો.

(11:19 am IST)
  • દેશમાં કોરોનાનો કહેર યથાવત : રાત્રે 12 વાગ્યા સુધીમાં નવા 81,693 કેસ નોંધાયા :કુલ કેસની સંખ્યા 63,91,860 થઇ :હાલમાં 9,42,585 એક્ટિવ કેસ :વધુ 78,646 દર્દીઓ સ્વસ્થ થતા કુલ 53,48,653 રિકવર થયા :વધુ 1096 દર્દીઓના મોત સાથે મૃત્યુઆંક 99,804 થયો access_time 1:03 am IST

  • ગુજ. હાઈકોર્ટમાં ૩ જજ નિમાયા : રાષ્ટ્રપતિશ્રી દ્વારા સર્વશ્રી વૈભવી દેવાંગભાઈ નાણાવટી, નિર્ઝરકુમાર દેસાઈ અને નિખિલ કરિયલની ગુજરાત હાઈકોર્ટમાં જજ તરીકે નિમણૂક access_time 10:46 pm IST

  • ૩૧ ઓકટોબર સુધીમાં જ ફી ભરનારા વાલીઓને ફીમાં ૨૫ ટકાની રાહત મળશેઃ૩૧ ઓકટોબર સુધીમાં જ ફી ભરનારા કે ગત વર્ષે ફી નહિ ભરી હોય તેવા વાલીઓને ફીમાં ૨૫ ટકાની રાહત નહિ આપવાનો રાજય સરકાર દ્વારા નિર્ણય કર્યો હોવાનું જાણવા મળે છેઃ આવો નિર્ણય જાહેર કરતા ઓલ ગુજરાત વાલી મંડળ દ્વારા સ્કુલ સંચાલકોના નિર્ણયનો વિરોધ કરી સરકારમાં ફરીથી રજુઆત કરવાની ચીમકી આપી હોવાનું જાણવા મળે છે access_time 11:25 am IST