Gujarati News

Gujarati News

News of Thursday, 10th September 2020

સૌરાષ્ટ્ર-કચ્છમાં ૩ - ૪ દિ' વરસાદની શકયતા નહિવત

કેરળ, કર્ર્ણાટક, મહારાષ્ટ્રમાં ભારે વરસાદ પડશેઃ સ્કાયમેટ : જો કે ગુજરાતના દક્ષિણ-પૂર્વ ભાગોમાં સંભાવનાઃ તા.૧૫ થી ૧૯ પંજાબ, હરીયાણા, દિલ્હી, પ. ઉત્તર પ્રદેશ, રાજસ્થાન, ઉત્તર ભારતના પહાડી વિસ્તારોમાં વરસાદનો છેલ્લો રાઉન્ડ

નવી દિલ્હીઃ હાલ ત્રણ-ચાર દિવસ સૌરાષ્ટ્ર-કચ્છમાં વરસાદની કોઇ શકયતા નથી. જયારે ગુજરાતના દક્ષિણ પૂર્વ ભાગોમાં સંભાવના છે. દેશના કેરળ, કર્ણાટક, મહારાષ્ટ્રમાં ભારે વરસાદ પડશે. જયારે તા.૧૫ થી ૧૯ સપ્ટેમ્બર દરમિયાન પંજાબ, હરીયાણા, કર્ણાટક, મહારાષ્ટ્રમાં ભારે વરસાદ પડશે. જયારે તા.૧૫ થી ૧૯ સપ્ટેમ્બર પંજાબ, હરીયાણા, દિલ્હી, પશ્ચિમ ઉત્તર પ્રદેશ, રાજસ્થાન અને ઉત્તર ભારતના પહાડી વિસ્તારોમાં વરસાદનો આ છેલ્લો રાઉન્ડ હશે તેમ વેધરની ખાનગી સંસ્થા સ્કાયમેટ દ્વારા જણાવાયું છે.

દેશભરમાં સામાન્યથી ૭ ટકા વધુ વરસાદ નોંધાયો છે. દક્ષિણ ભારતમાં સામાન્યથી ૨૧ ટકા, મધ્ય ભારતમાં ૧૫ ટકા વધુ (સામાન્યથી) વરસાદ નોંધાયો છે.

આગામી ચાર-પાંચ દિવસ દરમિયાન ઉત્તર-મધ્યપ્રદેશથી લઇ ગુજરાતમાં વાતાવરણ ચોખ્ખુ રહેશે. ગરમીમાં વધારો થશે. બંગાળની ખાડીમાં હવાનું હળવુ દબાણ બની રહયું છે. જેની અસરથી આગામી દિવસોમાં મધ્ય ભારત, ઉત્તર - પૂર્વ ભારતના રાજયોમાં તા.૧૫,૧૬ સપ્ટેમ્બર બાદ વરસાદનો એક રાઉન્ડ આવશે. જે ૧૯મી સુધી જારી રહેવાની સંભાવના છે.

આ દરમિયાન હરીયાણા, પંજાબ, દિલ્હી, પશ્ચિમ ઉત્તર પ્રદેશ, ઉત્તર ભારતના પહાડી વિસ્તારો, રાજસ્થાનમાં પણ વરસાદની  સંભાવના છે. આ વરસાદના રાઉન્ડ સાથે અમુક રાજયોમાંથી ચોમાસુ વિદાય લેવાની શરૂઆત કરશે.

આ પહેલા ત્રણ-ચાર દિવસ અગાઉ દક્ષિણ ભારતમાં કેરળ, દક્ષિણ કર્ણાટકમાં આજે અને કાલે મુશળધાર વરસાદ પડશે. પુર જેવી પરિસ્થિતિ પણ સર્ર્જાઇ શકે છે.

 જન જીવન પ્રભાવીત બનશે. મધ્યપ્રદેશ અને કોંકણ ગોવા તરફ ધીમે ધીમે વરસાદ વધી રહયો છે. મધ્ય મહારાષ્ટ્ર અને મરાઠાવાડામાં મધ્યમથી ભારે વરસાદ આગામી દિવસોમાં પડશે. ગોવાની સાથો સાથ કોંકણમાં પણ સારા વરસાદની સંભાવના છે.

સાથો સાથ તેલંગાણા, આંધ્રપ્રદેશ, પોન્ડીચેરી, લક્ષદ્વિપ, અંદામાન નિકોબાર, ઓડીસ્સા, છત્તીસગઢમાં પણ વરસાદ પડશે.

ગુજરાતના દક્ષિણ-પૂર્વ ભાગો સુરત, વલસાડ, નવસારીમાં વરસાદની સંભાવના છે. પરંતુ મધ્યથી ઉત્તરના ભાગો જેમ કે બરોડા, ગાંધીનગર, સાબરકાંઠા, બનાસકાંઠામાં વાતાવરણ ચોખ્ખુ રહેશે. સૌરાષ્ટ્ર અને  કચ્છમાં પણ આગામી ત્રણ-ચાર દિવસ વરસાદની કોઇ સંભાવના નથી.

(3:11 pm IST)
  • દેશમાં કોરોનાનો વિસ્ફોટ :છેલ્લા 24 કલાકમાં રેકોર્ડબ્રેક 95,529 નવા પોઝીટીવ કેસ નોંધાયા : વધુ 1168 લોકોના મોત : રાત્રે 12 વાગ્યા સુધીમાં નવા 95,529 કેસ વધ્યા: કુલ કેસની સંખ્યા 44.62.965 થઇ : 9,18,185 એક્ટીવ કેસ :વધુ 73,057 દર્દીઓ સાજા થતા કુલ 34,69,084 રિકવર થયા : વધુ 1168 લોકોના મોત સાથે મૃત્યુઆંક 75,091 થયો access_time 12:45 am IST

  • દેશમાં કોરોના બેફામ બન્યો : નવા 96,760 પોઝિટિવ કેસ નોંધાયા :1213 લોકોના મોત : રાત્રે 12 વાગ્યા સુધીમાં દેશમાં કોરોનના રેકોર્ડબ્રેક નવા 96,760 કેસ ઉમેરાતા કુલ કેસની સંખ્યા 44,59,725 થઇ :9,42,796 એક્ટીવ કેસ : વધુ 70,899 દર્દીઓ સ્વસ્થ થતા કુલ 35,39,983 રીકવર થયા : વધુ 1213 લોકોના મોત સાથે મૃત્યુઆંક 76,304 થયો access_time 1:16 am IST

  • રિપબ્લિક TVના ૩ કર્મચારીને પોલીસે પકડયાઃ CMના ઘરમાં ઘૂસવાની કોશિશ કરી રહ્યા હતા : રિપબ્લિક મીડિયા ગ્રુપે કહ્યું કેઃ ભારતીય લોકતંત્રના અનુચ્છેદ ૧૯(ડી) હેઠળ દરેક વ્યકિતને ભારતમાં સ્વતંત્ર રીતે પણ ફરવાનો અધિકાર છે access_time 4:14 pm IST