Gujarati News

Gujarati News

News of Friday, 25th September 2020

જો કે મદદની કરી ઓફર

ભારત - ચીન સરહદ વિવાદ ઉકેલવા સક્ષમ : ટ્રમ્પ

વોશિંગ્ટન તા. ૨૫ : અમેરિકાના રાષ્ટ્રપ્રમુખ ડોનાલ્ડ ટ્રમ્પે કહ્યું છે કે જો તેઓ ભારત-ચીન વિવાદનો ઉકેલ લાવવામાં મદદ કરી શકશે તો તેમને ઘણી ખુશી થશે. એક પ્રેસ કોન્ફરન્સમાં ટ્રમ્પે ગુરુવારે આશા વ્યકત કરી કે ભારત અને ચીન વચ્ચેના હાલના સરહદ વિવાદને ઉકેલવા માટે તેઓ સક્ષમ છે. આ દરમિયાન તેઓએ એશિયન દિગ્ગજોની મદદ માટે પોતાના પ્રસ્તાવનું પુનરાવર્તન કર્યું. ટ્રમ્પે વ્હાઇટ હાઉસમાં સંવાદદાતાઓને કહ્યું કે, મને ખબર છે કે હવે ચીન અને ભારતને મુશ્કેલીઓનો સામનો કરવો પડી રહ્યો છે. મને આશા છે કે તેઓ તેનો ઉકેલ શોધી શકશે. જો અમે મદદ કરી શકીએ તો અમે મદદ કરવાનું પસંદ કરીશું. ભારત ચીન વિવાદને ધ્યાને લઈ અમેરિકાના રાષ્ટ્રપ્રમુખની ટિપ્પણી ભારતીય અને ચીની સૈન્ય કમાન્ડરોની વચ્ચે લદાખમાં વાસ્તવિક નિયંત્રણ રેખા પર મહિનાઓથી ચાલી રહેલા ગતિરોધને ઉકેલવાના ઉદ્દેશ્યથી ચાલી રહેલી મંત્રણા દરમિયાન આવી છે. બંને દેશ હિમાલયમાં પોતાના વિવાદસ્પદ સરહદ પર વધુ સૈનિકોને મોકલવાથી રોકવા પર સહમત થયા છે.

આ પહેલા પણ ટ્રમ્પે કહ્યું હતું કે તેઓ ભારત અને ચીન બંને સાથે સ્થિતિ વિશે વાત કરી રહ્યા છે. તેઓએ કહ્યું કે અમે ચીન અને ભારતના સંબંધમાં મદદ કરવા માટે તૈયાર છે. જો અમે કંઈ પણ કરી શકીશું તો અમને તેમાં સામેલ થઈને વધુ મદદ કરવાનું પસંદ કરીશું. અમે બંને દેશો સાથે આ મામલે વાત કરી રહ્યા છીએ.

ઉલ્લેખનીય છે કે, ભારત અને ચીનના સૈન્ય કમાન્ડરોની વચ્ચે છઠ્ઠા ચરણની મંત્રણા સોમવારે થઈ જેમાં બંને પક્ષોએ LAC પર સ્થિતિને સ્થિર કરવાના મુદ્દે પોતાના વિચારોનું આદાન પ્રદાન કર્યું. તેમાં બંને પક્ષ સરહદ પર વધુ સૈનિકો ન મોકલવા, પરસ્પર સંપર્ક મજબૂત કરવા અને ગેરસમજો તથા ખોટા નિર્ણયથી બચવા પર સહમત થવાની સાથે જ વાસ્તવિક સ્થિતિને એકતરફી રીતે ન બદલવા માટે સહમત થયા.

વિદેશ મંત્રાલયના પ્રવકતાએ ભારત અને ચીનની વચ્ચે સોમવારે કોર કમાન્ડર સ્તરની છઠ્ઠા ચરણની મંત્રણા બાદ બંને દેશોની સેનાઓ દ્વારા મંગળવાર મોડી સાંજે જાહેર કરવામાં આવેલા પોતાના સંયુકત નિવેદનનો ઉલ્લેખ કર્યો.

તેઓએ કહ્યું કે, અમે જેમ પહેલા ઉલ્લેખ કરી ચૂકયા છીએ કે સૈનિકોને પાછળ હટાવવા એક જટિલ પ્રક્રિયા છે જેમાં બંને પક્ષોને એલએસીના પોતપોતાની તરફ નિયમિત ચોકીઓ પર સૈનિકોની પુનઃ તૈનાતીની જરૂર પડશે. તેના માટે પારસ્પરિક સહમતિવાળી કાર્યવાહીની આવશ્યકતા હશે.

(11:37 am IST)
  • જમ્મુ કાશ્મીરમાં લશ્કર-એ-તૈયબાના બે આતંકી ઠારઃ ઓપરેશન શરૂ : જમ્મુ-કાશ્મીરના અનંતનાગ ખાતે આંતકીઓ સાથેની અથડામણમાં લશ્કર-એ-તૈયબાના બે આતંકી ઠાર મરાયા છે. સુરક્ષાદળોનું ઓપરેશન ચાલુ છે. access_time 11:29 am IST

  • દેશમાં કોરોનાના કહેર વચ્ચે આજે નવા કેસ કરતા સ્વસ્થ થનારની સંખ્યામાં વધુ :કુલ કેસનો આંક 59 લાખને પાર પહોંચ્યો : રાત્રે 12-30 વાગ્યા સુધીમાં દેશમાં 85,465 નવા કેસ નોંધાયા : કુલ કેસની સંખ્યા 59,01.571 થઇ : 9,61,159 એક્ટીવ કેસ : વધુ 93,166 દર્દીઓ સ્વસ્થ થતા કુલ 48,46,168 રિકવર થયા : વધુ 1093 લોકોના મોત સાથે મૃત્યુઆંક 93,410 થયો access_time 12:51 am IST

  • જંકશન-૧પ માં સતત ૩ દિ' થયા પાણીનાં ધાંધીયા : વોર્ડ નં. ૩ નાં જંકશન પ્લોટ શેરી નં. ૧પ માં સતત ત્રણ દિ' થયા પાણી અત્યંત ઓછુ આવતાં લતાવાસીઓમાં જબરો દેકારોઃ વાલ્વ બદલાવ્યો છતાં પાણી નહી આવતાં ઉગ્ર રજૂઆતો access_time 3:36 pm IST