Gujarati News

Gujarati News

News of Thursday, 10th September 2020

કચ્છમાં કોરોનાનો હાહાકાર : ભુજના પત્રકાર, રાપરના તબીબનું મોત, સરકારી હોસ્પિટલો હાંફી ગઈ

તૈયારીમાં કયાં ચૂક થઈ? હવે, વેન્ટિલેટર બેડ જ નથી, ભુજ, મુન્દ્રા, ગાંધીધામ પછી હવે માંડવીની હોસ્પિટલ પણ કોરોનાના દર્દીઓથી ફૂલ

(વિનોદ ગાલા દ્વારા) ભુજ,તા.૧૦ : કોરોનાના હાહાકાર વચ્ચે ભુજના પત્રકાર નવીનભાઈ પરમાર અને રાપરના ૩૯ વર્ષના યુવા તબીબ ડો. દિનેશ ગઢવીનું મોત નીપજયું છે. અન્ય બે મોત સાથે કચ્છમાં એક જ દિ'માં ૪ મોત થયા હોવા છતાંયે સરકારી ચોપડે એક જ મોત દર્શાવાયું છે. બિનસત્ત્।ાવાર મોતની સંખ્યા ૮૧ હોવાની દહેશત વચ્ચે કચ્છમાં કોરોનાની પરિસ્થિતિ દિનપ્રતિદિન વકરી રહી છે. અત્યારે એકિટવ કેસ ૨૫૧ છે, નવા ૧૩ દર્દીઓ સાથે કુલ દર્દીઓ ૧૫૧૬ થયા છે. સાજા થયેલા દર્દીઓની સંખ્યા ૧૪૩૫ થાય છે. કચ્છમાં કોરોના સામેની તૈયારીમાં તંત્ર દ્વારા પરિસ્થિતિને પહોંચી વળવાના સરકાર સમક્ષ અને લોકો સમક્ષ કરાયેલા દાવાઓ વચ્ચે વાસ્તવિકતાએ પોલ ખોલી નાખી છે. માર્ચ થી સપ્ટેમ્બર સુધી છ મહિના દરમ્યાન લોકોને સજ્જ થવા અપીલ તંત્ર અત્યારે કચ્છમાં કોરોનાની તૈયારી કરવામાં અટવાઈ ગયુ હોવાનું સામે આવ્યું છે. કોરોના પીક પકડશે અને દર્દીઓ વધશે એવી વાતો વચ્ચે અત્યારથી જ કચ્છની સરકારી હોસ્પિટલો હાંફી ગઈ છે.

(11:10 am IST)
  • અમદાવાદના પાલડી સર્વે વિસ્‍તારમાં આંબેડકર રિવર બ્રીજની બીજી બાજુ કેન્‍દ્ર સરકારના ઉડ્ડયન ખાતાને જમીન સોંપવામાં આવી છે : અમદાવાદ કોર્પોરશનની સ્‍ટેન્‍ડીંગ કમીટીએ સી પ્‍લેન સર્વિસ માટે સાબરમતી રીવરફ્રન્‍ટ ઉપર વોટર એરોડ્રામ બનાવવા ૪૦૪૭ ચોરસ મીટર જમીન ફાળવી આપી છે : આ વોટર એરોડ્રામનો પ્રારંભ ૩૧ ઓકટોબરે નરેન્‍દ્રભાઈના હસ્‍તે થાય તેવી સંભાવના છે : આ માટે કોન્‍ક્રીટ પ્‍લેટફોર્મ સાબરમતી રીવરફ્રન્‍ટ તરફ રવાના કરવામાં આવ્‍યુ છે : સ્‍પાઈસ જેટ વિમાની સેવા સાબરમતી રીવરફ્રન્‍ટથી સરદાર સરોવર વચ્‍ચે સી પ્‍લેનની સર્વિસ ઓપરેટ કરશે access_time 5:56 pm IST

  • જમ્મુ-કાશ્મીરઃ જૈશના બે આતંકીની ધરપકડઃ ભારે માત્રામાં શસ્ત્રો અને દારૂગોળો જપ્ત : જમ્મુ-કાશ્મીરના કુપાવાડા પોલીસે જૈશ-એ મોહમદ સંગઠનના બે ત્રાસવાદીઓની ધરપકડ કરી છે તેમની પાસેથી ભારે માત્રામાં શસ્ત્રો અને વિસ્ફોટક જપ્ત કરવામાં આવ્યા છે અને રોકડ પણ જપ્ત કરવામાં આવી છે access_time 3:52 pm IST

  • તાલુકા મામલતદાર કચેરીમાં ભુકંપઃ આજે કોરોના માટે યોજાયેલ કેમ્પમાં એકી સાથે ૪ને કોરોના જાહેર સીટી પ્રાંત-ર ના ડ્રાઇવર પણ ઝપટેઃ સેનેટાઇઝર કરવાનું શરૂ :રાજકોટમાં કોરોનાનો કાળો કેર યથાવત છેઃ આજે તાલુકા મામલતદાર કથીરિયાએ કોરોના ચેકીંગ માટે સ્પે. કેમ્પ યોજયો હતો, જેમાં એકી સાથે ૪ કર્મચારીને કોરોના વળગતા તમામને હોમ આઇસોલેશન કરી દેવાયા છેઃ આ ૪ કેસમાં ઇ-ધારાના બે કોમ્પ્યુટર ઓપરેટર સીટી પ્રાંત-ર ના ડ્રાઇવર તથા તલાટી મેડમના એક ભાઇનો સમાવેશઃ બંને કચેરીને સેનેટાઇઝર કરવાનું શરૃઃ ૮ને રજા પર ઉતરાયા access_time 3:53 pm IST