Gujarati News

Gujarati News

News of Saturday, 21st November 2020

જુનાગઢના ૪ પીએસઆઇની બદલી ક્રાઇમ બ્રાંચના ગોહિલ એટીએસમાં મુકાયા

પોરબંદરથી હરૂભા ચુડાસમા સહિત ૩ પીએસઆઇ આવ્યા

(વિનુ જોશી દ્વારા) જુનાગઢ તા. ર૧ : જુનાગઢના ૪ પીએસઆઇની બદલી થઇ છે જેમાં ક્રાઇમ બ્રાંચના ગોહિલને એટીએસમાં મુકવામાં આવેલ છે.

 

રાજયના પોલીસ મહાનિર્દેશક આશિષ ભાટીયાએ રાજયના ૧૩૦ જેટલા બિનહથિયારી પોલીસ સબ ઇન્સ્પેકટરની સામુહિક બદલીનાં હુકમ જારી કર્યા છે.

જેમાં જુનાગઢ જિલ્લાના ચાર ફોજદારનો પણ સમાવેશ થાય છે. જુનાગઢ ક્રાઇમ બ્રાંચના પી.એસ.આઇ. ગોહીલ રાજદિપસિંહ ખુમાનસિંહને એટીએસ અમદાવાદ ખાતે મુકવામાં આવેલ છે.

તેમજ પી.એસ.આઇ. રાણા કિંજલકુમાર ચંદુભાઇની રાજકોટ સીટીમાં, જુનાગઢ પીટીએસના સોલંકી રવિન્દ્રસિંહ અનિરૂદ્ધસિંહની ભાવનગર અને માલમ શશીકાંત કાળાભાઇની પોરબંદર ખાતે બદલી કરવામાં આવી છે.

આ ચાર પીએસઆઇની બદલી સામે જુનાગઢ જિલ્લામાં ત્રણ પીએસઆઇને મુકવામાં આવેલ છે.

જેમાં ભરૂચની બેલીમ રસુલખાન અલીખાન તથા મહેસાણથી સોનારા શાંતાબેન નાથાભાઇ અને પોરબંદરથી ચુડાસમા હરવિજયસિંહ હરૂભાઇ નટવરસિંહને જુનાગઢ જિલ્લામાં મુકવામાં આવ્યા છે.

બદલી પામેલા પીએસઆઇ ટુંક સમયમાં ચાર્જ છોડી નવા સ્થળે હાજર થશે અને નવા આવેલા ફોજદારો એક-બે દિવસમાં જુનાગઢ ખાતે હાજર થઇને ફરજના શ્રી ગણેશ કરશે.

(1:29 pm IST)
  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • રાજસ્થાનમાં કોરોનાએ કાળોકેર વર્તાવ્યો : છેલ્લા 24 કલાકમાં 3007 નવા કેસ નોંધાયા : જયપુર,જોધપુર, ઉદયપુર,બિકાનેર , અલ્વર ,કોટા , અજમેર અને ભીલવાડામાં રાત્રી કર્ફ્યુ લગાડયો access_time 12:33 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST