Gujarati News

Gujarati News

News of Friday, 25th September 2020

ન્યૂઝીલેન્ડ સરકારે દેશમાં આંતરાષ્ટ્રીય ક્રિકેટ શરું કરવાની મંજૂરી આપી દીધી

નવેમ્બરમાં વેસ્ટ ઈન્ડિઝ અને પાકિસ્તાન સામે મેદાને ઉતરશે '

ઑકલેન્ડ: ન્યૂઝીલેન્ડ સરકારે દેશમાં આંતરાષ્ટ્રીય ક્રિકેટ શરું કરવાની મંજૂરી આપી દીધી છે. કોરોના મહામારીના કારણે અહીં કેટલાક મહિનાઓથી ઈન્ટરનેશનલ ક્રિકેટ બંધ હતી. ન્યૂઝિલેન્ડ ક્રિકેટ એક નિવેદન જાહેર કરી તેની પુષ્ટી કરી છે.

ન્યૂઝિલેન્ડ ક્રિકેટે એક  નિવેદનમાં કહ્યું કે, 'સરકારે અમને ઈન્ટરનેશનલ ક્રિકેટના આયોજન માટે લીલી ઝંડી આપી દીધી છે. હવે અમે નવેમ્બરમાં વેસ્ટ ઈન્ડિઝ અને પાકિસ્તાનની યજમાનીનો કાર્યક્રમ કરી શકીએ છીએ.'
વેસ્ટઈન્ડીઝ ન્યૂઝીલેન્ડમાં તેની વિરુદ્ધ ત્રણ ટી10 મેચ અને બે ટેસ્ટ મેચ રમવાની છે જ્યારે પાકિસ્તાનની ટીમ ત્રણ ટી20 અને બે ટેસ્ટ રમવાની છે. તે સિવાય ન્યૂઝીલેન્ડ મહિલા ક્રિકેટ ટીમ ઓસ્ટ્રેલિયા અને બાંગ્લાદેશ સાથે એક ત્રિકોણીય સીરિઝ રમવા પર પણ વિચાર કરી રહી છે.
તેની વચ્ચે ન્યૂઝીલેન્ડ ટીમનો આવતા વર્ષના જાન્યુઆરીનો ઓસ્ટ્રેલિયા પ્રવાસ ટાળી દેવામાં આવ્યો છે. હવે સીરીઝ ક્યારે રમાશે તે અંગે વધુ જાણકારી સામે આવી નથી. સીરિઝ હેઠળ ત્રણ વનડે અને એક ટી20 મેચ રમાશે.

(12:17 am IST)
  • દેશમાં કોરોનાના કહેર વચ્ચે આજે નવા કેસ કરતા સ્વસ્થ થનારની સંખ્યામાં વધુ :કુલ કેસનો આંક 59 લાખને પાર પહોંચ્યો : રાત્રે 12-30 વાગ્યા સુધીમાં દેશમાં 85,465 નવા કેસ નોંધાયા : કુલ કેસની સંખ્યા 59,01.571 થઇ : 9,61,159 એક્ટીવ કેસ : વધુ 93,166 દર્દીઓ સ્વસ્થ થતા કુલ 48,46,168 રિકવર થયા : વધુ 1093 લોકોના મોત સાથે મૃત્યુઆંક 93,410 થયો access_time 12:51 am IST

  • અમદાવાદના જાણીતા ડેવલપર ગ્રુપ ઉપર ઇડીની તપાસ શરૂ : એન્ફોર્સમેન્ટ ડીરેકટોરેટે અમદાવાદના શ્રી આશીષ પટેલના રાધે ડેવલપર ગ્રુપ ઉપર 'સર્ચ' તપાસ શરૂ કરી છે. તેમના ૨૦૦ કરોડના જમીન પ્રોજેકટ અંગે હવે 'પીએમએલએ' હેઠળ આ તપાસ શરૂ થયાનું ન્યુઝફર્સ્ટ જણાવે છે. access_time 12:50 pm IST

  • અભૂતપૂર્વ ઘટના!! : ઉત્તર કોરીયાના તાનાશાહ કીમ જોંગ-ઉને દક્ષિણ કોરીયાની માફી માગી :દક્ષિણ કોરીયાના ઓફીસરની હત્યા કરવા માટે એક અભૂતપૂર્વ ઘટનામાં ઉત્તર કોરીયાના સરમુખત્યાર કીમ જોંગ-ઉને દક્ષિણ કોરીયાની માફી માગી હોવાનું દક્ષિણ કોરીયાના રાષ્ટ્રપતિની ઓફીસે જાહેર કર્યું છે. દ. કોરીયાએ કહેલ કે ૪૭ વર્ષનો વ્યકિત ઉત્તર કોરીયા જવા માગતો હતો ત્યારે તેને ફુંકી મારવામાં આવેલ. ઉત્તર કોરીયાએ પોતાના રાષ્ટ્રમાં કોરોના આવતો અટકાવવા માટે 'શુટ ટુ કીલ'ની નીતી અપનાવી છે. દ.કોરીયાના રાષ્ટ્રપતિ મુનને પત્ર પાઠવી કીમ-જોંગ ઉને માફી માગી લખ્યુ છે કે આવુ બનવુ જોઇતુ ન હતુ. ઉ-કોરીયાએ વિગતો જાહેર કરતા લખ્યુ છે કે આ વ્યકિત ઉપર ૧૦ શોટફાયર કરાયેલા. access_time 2:32 pm IST