Gujarati News

Gujarati News

News of Sunday, 27th September 2020

કિંગ્સ ઇલેવન પંજાબે રાજસ્થાન રોયલ્સને 224 રનનો આપ્યો ટાર્ગેટ,મયંક અગ્રવાલે 45 બોલમાં સદી મારી, IPLમાં ભારતીય દ્વારા ફટકારવામાં આવેલી બીજી સૌથી ઝડપી સદી; રાહુલ સાથે લીગના ઇતિહાસની બીજી સૌથી મોટી ઓપનિંગ પાર્ટનરશીપ કરી

આઈપીએલમાં આજે રાજસ્થાન રોયલ્સ અને કિંગ્સ ઇલેવન વચ્ચે મેચ ચાલી રહી છે, જેમાં રાજસ્થાનએ ટોસ જીતીને પ્રથમ બોલિંગ કરવાનો નિર્ણય લીધો હતો. આવી સ્થિતિમાં કેએલ રાહુલ અને મયંક અગ્રવાલની જોડીએ શાનદાર ઇનિંગ્સ રમતા રાજસ્થાન સામે 224 રનનો લક્ષ્યાંક આપ્યો હતો. ટોમ ક્યુરેને ટીમને પહેલી સફળતા આપી હતી જ્યાં મોટો શોટ રમવાને પગલે મયંક અગ્રવાલ 106 રને આઉટ થયો હતો. હવે, ગ્લેન મેક્સવેલ રાહુલને ટેકો આપવા ક્રીઝ પર આવ્યો હતો અને તે આવતાંની સાથે જ સવાર થઈ ગયો હતો. તે સમયે કેએલ રાહુલ પણ 194 રને 69 રન બનાવીને પેવેલિયન પરત ફર્યો હતો.

રાજસ્થાને પોતાની ટીમમાં 2 ફેરફાર કર્યા છે.

યશસ્વી જયસ્વાલ અને ડેવિડ મિલરની જગ્યાએ જોસ બટલર અને અંકિત રાજપૂતને ટીમમાં જગ્યા મળી છે. જ્યારે કિંગ્સ ઇલેવન પંજાબે પોતાની ટીમમાં કોઈ ફેરફાર કર્યો નથી.

મયંક 50 બોલમાં 106 રનની ધમાકેદાર ઇનિંગ્સ રમ્યો

મયંક અગ્રવાલે 45 બોલમાં IPL કરિયરની પહેલી સદી મારી છે. આ લીગમાં ભારતીય દ્વારા ફટકારવામાં આવેલી બીજી સૌથી ઝડપી સદી છે. ઇન્ડિયન દ્વારા ફાસ્ટેસ્ટ સદીનો રેકોર્ડ યુસુફ પઠાણના નામે છે. મયંકે આજે રાજસ્થાનના બોલર્સને મેદાનની ચારેય બાજુ ફટકારતા 50 બોલની ઇનિંગ્સ દરમિયાન 10 ફોર અને 7 સિક્સની મદદથી 106 રન કર્યા.

IPLમાં ભારતીય દ્વારા સૌથી ઝડપી સદી:

  • 37 બોલ: યુસુફ પઠાણ v MI 2010
  • 45 બોલ: મયંક અગ્રવાલ v RR 2020*
  • 46 બોલ: મુરલી વિજય v RR 2010
  • 47 બોલ: વિરાટ કોહલી v KXIP 2016

મયંક-રાહુલ 3 રન માટે હાઈએસ્ટ ઓપનિંગ પાર્ટનરશિપનો રેકોર્ડ બનાવતા ચુક્યા

IPLમાં હાઈએસ્ટ ઓપનિંગ પાર્ટનરશિપનો રેકોર્ડ જોની બેરસ્ટો અને ડેવિડ વોર્નરના નામે છે. તેમણે 2020માં સનરાઇઝર્સ હૈદરાબાદ માટે રમતા રોયલ ચેલેન્જર્સ બેંગલોર સામે 185 રનની ઓપનિંગ ભાગીદારી કરી હતી. રાહુલ અને મયંકે પ્રથમ વિકેટ માટે 183 રન કર્યા અને આ રેકોર્ડ તોડવાથી માત્ર 3 રન માટે ચુકી ગયા.

લીગમાં આ પંજાબની ત્રીજી અને રાજસ્થાનની બીજી મેચ છે. પંજાબે 1 મેચ જીતી અને 1માં તેને હાર મળી. સાથે જ રાજસ્થાને પોતાના પહેલા મુકાબલામાં ચેન્નાઈ સુપરકિંગ્સને હરાવ્યું હતું. ગત મેચની જેમ આ મેચમાં પણ રાજસ્થાનને સંજુ સેમસન પાસેથી મોટી ઇનિંગ્સને અપેક્ષા હશે.

 રાજસ્થાનની પ્લેઈંગ 11: સ્ટીવ સ્મિથ (કેપ્ટન),સંજુ સેમસન, જોસ બટલર (વિકેટકીપર), રોબિન ઉથપ્પા, રિયાન પરાગ, શ્રેયસ ગોપાલ, ટોમ કરન, જયદેવ ઉનડકટ, જોફરા આર્ચર, રાહુલ તેવટિયા અને અંકિત રાજપૂત

પંજાબની પ્લેઈંગ 11: લોકેશ રાહુલ (કેપ્ટન અને વિકેટકીપર), મયંક અગ્રવાલ, નિકોલસ પૂરન, ગ્લેન મેક્સવેલ, સરફરાઝ ખાન, કરુણ નાયર, જિમી નિશમ, રવિ બિશ્નોઇ, એમ. અશ્વિન, મોહમ્મદ શમી, શેલ્ડન કોટરેલ

(9:40 pm IST)
  • ભાજપની રાષ્ટ્રીય ટીમમાં ૪૫% નવા ચહેરાઓ : નવી ટીમની જાહેરાત કરી રહેલા ભાજપના રાષ્ટ્રીય પ્રમુખ જે.પી. નડ્ડા : ભાજપના રાષ્ટ્રીય પ્રમુખ જે.પી. નડ્ડા રાષ્ટ્રીય ભાજપની નવી ટીમની અત્યારે બપોરે ૩:૧૫ પછી જાહેરાત કરી રહ્યા છે જેમાં ૪૫ ટકા નવા ચહેરાઓ છે : જે.પી. નડ્ડાએ સમગ્ર ટીમમાં આમુલ ફેરફારો કર્યા છે : વિગતો જાહેર થઈ રહી છે (ન્યુઝફર્સ્ટ) access_time 3:11 pm IST

  • ચીન સાથે સરહદે ભારે તણાવ છે ત્યારે જ ફ્રાંસે ભારતને અત્યંત ઘાતક રાફેલ 5 યુદ્ધ વિમાનોની બેચ સોંપી છે. આ બેંચમાં શામેલ પાંચેય વિમાનો હજીયે ફ્રાંસની ધરતી પર જ છે. માનવામાં આવે છે કે, ઓક્ટોબર મહિનામાં આ પાંચેય રાફેલ ભારત પહોંચી જશે. આ વિમાનોને પશ્ચિમ બંગાળ સ્થિત કલઈકુંડા એરફોર્સ સ્ટેશન પર તૈનાત કરવામાં આવશે. આ યુદ્ધ વિમાનો ચીનના J-20 ચાંગડુ માટે કાળ સાબિત થશે. access_time 3:44 am IST

  • દેશમાં કોરોનાનો કહેર : રાત્રે 11-30 વાગ્યા સુધીમાં દેશમાં 61,955 નવા કેસ નોંધાયા : કુલ કેસની સંખ્યા 60,52,536 થઇ : હાલમાં 9,60,576 એક્ટીવ કેસ : વધુ 57,269 દર્દીઓ સ્વસ્થ થતા કુલ 49,95,957 રિકવર થયા : વધુ 618 લોકોના મોત સાથે મૃત્યુઆંક 95,152 થયો access_time 12:00 am IST