Gujarati News

અમદાવાદમા  સાયબર ક્રાઇમના ઇતિહાસમાં સૌથી મોટી રકમની ફરિયાદ સામે આવી છે. જેમાં તમિલનાડુ ટેક્સ બુક કોર્પોરેશનનું ટેન્ડર અપાવવાના બહાને ગાલા પ્રિન્ટ સિટીના એમડી સાથે રૂપિયા 26.78 કરોડની છેતરપિંડીની ફરિયાદ સામે આવી છે. જેમાં તમિલનાડુ ટેક્સ બુક કોર્પોરેશનનું ટેન્ડર અપાવવાના બહાને રો મટિરીયલ્સમાંથી પણ 15-20 ટકા કમિશન આપવાના બહાને છેતરપિંડી કરાઈ છે,જેમાં ફરિયાદીને વિશ્વાસમાં લેવા એડવાન્સ રકમ પણ ચૂકવી હતી. જેના પગલે સાયબર ક્રાઇમે ગુનો નોંધી આરોપીની શોધખોળ હાથ ધરી છે.

જો કે આ અંગે સાયબર ક્રાઇમમાં નોંધાયેલી ફરિયાદ મુજબ ટેન્ડર માટે ચૂકવવાની એડવાન્સ રકમ પણ ચુકવવામાં આવી હતી. જેના પરથી કંપનીએ આ છેતરપીંડી કરનારા વ્યક્તિ પર વિશ્વાસ બેસે. તેની બાદ આ સમગ્ર છેતરપીંડી કરવામાં આવી છે. જેના પગલે હાલમાં સાયબર ક્રાઇમના અધિકારીઓ પણ કેસની મોડસ ઓપરેન્ડી શોધી તેની તપાસમાં લાગ્યા છે.