Gujarati News

Gujarati News

News of Saturday, 27th February 2021

અમેરિકી રિપોર્ટમાં ધડાકો

સાઉદી પ્રિન્સ સલમાને આપી હતી પત્રકાર ખગોસીને પકડવા તથા હત્યા કરવા માટે મંજુરી

વોશિંગ્ટન,તા. ૨૭: વોશિંગ્ટન પોસ્ટનાં પત્રકાર જમાલ ખગોસીની હત્યાનાં વિવાદાસ્પદ કેસમાં સાઉદી અરેબિયાનાં ક્રાઉન પ્રિન્સ મોહમ્મદ બિન સલમાનની સંડોવણી હોવાનું તારણ અમેરિકાનાં એક રિપોર્ટમાં રજૂ કરાયું છે. અમેરિકાની ગુપ્તચર સંસ્થાનાં આ રિપોર્ટને શુક્રવારે જાહેર કરવામાં આવે તેની શકયતા છે. સાઉદી ક્રાઉન પ્રિન્સે પત્રકાર ખગોસીની હત્યા માટે મંજૂરી આપી હોવાનું તપાસમાં જણાયું છે. ઇસ્તંબુલ ખાતે સાઉદી અરેબિયાનાં દૂતાવાસમાં ઓકટોબર ૨૦૧૮માં ખગોસીની હત્યા કરાઈ હતી. અમેરિકાની CIA તેમજ અન્ય સંસ્થાઓ દ્વારા તૈયાર કરાયેલા રિપોર્ટમાં આ અંગે સનસનાટીભરી માહિતી દર્શાવવામાં આવી છે. ખગોસીની હત્યામાં પ્રિન્સ મોહમ્મ્દની ભૂમિકા અંગે રિપોર્ટમાં કેટલી વિગતો છે અને કેટલી જાહેર કરાશે તે હજી જાણવા મળ્યું નથી.

ઓફિસ ઓફ ધ ડિરેકટર ઓફ નેશનલ ઇન્ટેલિજન્સ દ્વારા આ રિપોર્ટ તૈયાર કરવામાં આવ્યો છે. સૌથી મોટા ક્રૂડ ઓઈલ નિકાસકાર સાઉદી સાથે સંબંધો સુધારવા બાઇડેન સરકાર કેટલી ગંભીર છે તે આ રિપોર્ટની કેટલી વિગતો જાહેર કરવામાં આવશે તેના પરથી જાણી શકાશે. રિપોર્ટની વિગતો જાહેર કરવામાં આવે તે પહેલાં યુએસ પ્રમુખ બાઇડેન અને સાઉદી અરેબિયાનાં કિંગ સલમાન વચ્ચે ફોન પર લાંબી વાતચીત કરવામાં આવી હતી. ખાસ કરીને પ્રાદેશિક સુરક્ષા તેમજ યમનમાં યુદ્ઘનો અંત લાવવા અમેરિકા તેમજ યુએનનાં પ્રયાસોનો મુદ્દો પણ ચર્ચાયો હતો.

(10:10 am IST)
  • અમદાવાદમાં ક્રિકેટ સ્ટેડિયમનું નામ વડાપ્રધાન મોદીના નામ પર રાખવાનો નિર્ણય યોગ્ય : બાબા રામદેવે પીએમ મોદીને યુગ પુરુષ ગણાવતા કહ્યું કે મહાન વ્યક્તિઓના નામ પર ભાવનો અને સ્મારકોણ નામ રાખ્યા છે : ત્યારે હાલના મહાન વ્યક્તિત્વ મોદી અને તેમના નામ પરથી સ્ટેડિયમનું બામ રાખવું એમાં કઈ ખોટું નથી access_time 12:58 am IST

  • નકલી ડીગ્રીવાળા 2823 અધ્યાપકોને મોટો ઝટકો : અલ્હાબાદ હાઇકોર્ટે હકાલપટ્ટીની યોગ્ય ઠેરવી :અલ્હાબાદ હાઇકોર્ટે આ મામલે એકલ પીઠના આદેશને યોગ્ય માન્યો અને હસ્તક્ષેપ કરવા ઇન્કાર કર્યો access_time 12:41 am IST

  • સવારે ૪ાા વાગે સુરત નજીક હળવો ભૂકંપ : વહેલી સવારે ૪.૩૫ વાગ્યે સુરત પાસે ૩.૧ની તીવ્રતાનો હળવો ભૂકંપનો આંચકો અનુભવાયો છે. ભૂકંપનું કેન્દ્ર બિંદુ સુરતથી ત્રીસેક કિ.મી. દૂર નોંધાયું હતું. હળવો ભૂકંપ હોય કેન્દ્ર બિંદુ આસપાસના વિસ્તારો સિવાય ખાસ અસર જોવા મળી ન હોવાનું ચર્ચાય છે. access_time 12:44 pm IST