Gujarati News

મોરબી અને વાંકાનેર ટ્રક ટ્રાન્સપોર્ટ એસોની તાજેતરમાં બેઠક મળી હતી જેમાં જિસકા માલ ઉસકા હમાલ નિયમ લાગુ કરવામાં આવ્યો છે
મોરબી ટ્રક ટ્રાન્સપોર્ટ એસોના પ્રમુખ પ્રભાતભાઈ ડાંગરની યાદીમાં જણાવ્યા અનુસાર ઓલ ઇન્ડિયા મોટર ટ્રાન્સપોર્ટ કોંગ્રેસ ન્યુ દિલ્હી અને અખિલ ગુજરાત ટ્રક ટ્રાન્સપોર્ટ એસો દ્વારા જિસકા માલ ઉસકા હમાલ અભિયાન ચલાવવામાં આવે છે જે અનુસાર મોરબી ટ્રક ટ્રાન્સપોર્ટ એસો અને વાંકાનેર ટ્રક ટ્રાન્સપોર્ટ એસોની એક મીટીંગ મળી હતી જેમાં મોરબીમાં આજથી જિસકા માલ ઉસકા હમાલ લાગુ કરવામાં આવ્યો છે
મોરબી અને વાંકાનેરના દરેક ટ્રાન્સપોર્ટને સુચના આપવામાં આવી છે કે ટ્રાન્સપોર્ટ માટે વાહન લોડીંગ માટે મોકલનારને વાહન માલિક વાહન લોડ કરવા કે માલ ઉતારવા માટેનો ખર્ચ નહિ આપે તેમજ અન્ય ખર્ચ પણ આપવાનો રહેશે નહિ તેમજ પાર્ટી મોરબી અને વાંકાનેરમાં જેનો માલ તેનો હમાલ અભિયાનમાં સહયોગ નહિ આપે તો મોરબી અને વાંકાનેરમાં લોડીંગ તા. ૦૧ ઓગસ્ટથી રોકી દેવામાં આવશે જે બાબતે કંપની અને પાર્ટીએ ધ્યાન આપવા જણાવ્યું છે