Gujarati News

રાજકોટ તા. ૨૮: ધ્રાંગધ્રાના રાજપર ગામે રામજી મંદિર પાસે રહેતો અશોક જેસીંગભાઇ નાગરેચા (ઉ.વ.૨૨) નામનો કોળી યુવાન ૨૦મીએ ગામની સીમમાં ઝેરી દવા પી જતાં સારવાર માટે રાજકોટ ખાનગી હોસ્પિટલમાં ખસેડાયો હતો. તેનું રાત્રીના મોત નિપજતાં પરિવારમાં શોક છવાઇ ગયો હતો.

આપઘાત કરનાર અશોક ત્રણ ભાઇ અને ત્રણ બહેનમાં વચેટ હતો અને છુટક મજૂરી કરતો હતો. તેના કુટુંબીજનોએ કહ્યું હતું કે અશોકને એક યુવતિ સાથે પ્રેમ હતો. પણ તેમાં નિષ્ફળતાં મળતાં નિરાશ થઇ આ પગલુ ભરી લીધું હતું. બનાવથી પરિવારજનોમાં શોક છવાઇ ગયો હતો.