Gujarati News

Gujarati News

News of Thursday, 1st October 2020

પ્રસિદ્ધ યાત્રાધામ ડાકોરમાંરણછોડરાયજી મંદિરના મુખ્ય દ્વાર સામે આખલાઓ બાખડ્યા : દોડધામ

બે આખલાની લડાઈને કારણે બે બાઈકોને ભારે નુકસાન પહોંચ્યું

ખેડા જિલ્લાના પ્રસિદ્ધ યાત્રાધામ ડાકોરમાં રણછોડરાયજી મંદિરના મુખ્ય દ્વાર સામે બે આખલાઓ બાખડ્યા હતા. જેમાં મંદિર આસપાસની બજારમાં દોડધામ મચી હતી. વેપારીઓ સહિત લોકોના જીવ પડીકે બંધાયા હતા. અડધા કલાક સુધી લગાતાર બંને આખલાઓએ એકબીજા ઉપર વાર કર્યા હતા. બંને આખલાઓને છુટા પાડવાની પણ અનેક કોશિશ કરવામાં આવી હતી. જો કે, બે આખલાની લડાઈને કારણે બે બાઈકોને ભારે નુકસાન પહોંચ્યું હતું. આખલાઓની લડાઈમાં સદ્દભાગ્યે કોઇને ઈજા પહોંચી નહોતી.  

 યાત્રાધામ ડાકોરમાં નગરપાલિકાની નિષ્કાળજીને પગલે ઢોર રખડતા જોવા મળે છે. જે ધમાસાણ મચાવી વારમવાર રાહદારીઓ તેમજ યાત્રીઓ અને વાહનચાલકોને ઈજાઓ પહોંચાડતા હોય છે. યાત્રાધામમાં આખલાઓની લડાઈ પણ સામાન્ય બની છે. ત્યારે નગરપાલિકા દ્વારા ઢોર પકડવાની કામગીરી યોગ્ય રીતે કરવામાં આવે તો અનેક લોકોને ઈજાઓથી બચાવી શકાય તેમ છે.

(12:31 pm IST)
  • વડાપ્રધાન શ્રી નરેન્દ્ર મોદી માટેનું સ્પેશિઅલ પ્લેન ' બોઇંગ 777 ' આજ 1 ઓક્ટોબરના રોજ ભારતની ધરતી ઉપર ઉતરશે : સજજડ સુરક્ષા સાથે બખ્તર સમાન ગણાતું આ પ્લેન અમેરિકાના ડલ્લાસમાં તૈયાર કરાયું છે : વડાપ્રધાન ,ઉપરાંત રાષ્ટ્રપતિ તથા ઉપરાષ્ટ્રપતિ પણ આ પ્લેનનો ઉપયોગ કરી શકશે access_time 12:15 pm IST

  • નાની બચતના રોકાણકારો આનંદો : ઓક્ટોબરથી ડિસેમ્બર માસ સુધીના ત્રિમાસિક ગાળા માટે વ્યાજદરમાં કોઈ ઘટાડો નહીં : પીપીએફ ઉપર 7.1 ટકા ,એનએસસી ઉપર 6.8 ,તથા સુકન્યા સમૃદ્ધિ યોજના ઉપર 7.6 ટકા વ્યાજ યથાવત access_time 12:03 pm IST

  • સત્તાધારી ભાજપ પાર્ટી રામનું નામ લઇ નથુરામનું કામ કરે છે : હાથરસ જઈ રહેલા રાહુલ ગાંધી અને પ્રિયંકાના કાફલાને રોકી ગેરવર્તન કરવા બદલ ભાજપ સરકારની એનસીપી સુપ્રીમો શરદ પવારે ટીકા કરી access_time 7:49 pm IST