Gujarati News

નવી દિલ્લી, તા.૧: ઉત્તર પ્રદેશના હાથરસમાં યુવતી સાથે કથિત રીતે ગેંગરેપ બાદ તેની સાથે થયેલી બર્બરતાએ આખા દેશને હચમચાવી દીધો છે. લોકોમાં આ ઘટના બાદ ગુસ્સો છે. હાથરસની આ દ્યટના બાદ મધ્ય પ્રદેશમાં પણ સગીર યુવતી સાથે ગેંગરેપની ઘટના સામે આવી છે. મધ્ય પ્રદેશના ખરગોન સ્થિત મારુગઢ ગામમાં સગીર યુવતીનુ અપહરણ કરીને ત્રણ બદમાશોએ રેપ કર્યો. માહિતી અનુસાર ૧૫ વર્ષીય યુવતી પોતાના ભાઈ સાથે આઈટીઆઈ પાસે સ્થિત ઝૂંપડીમાં રહેતી હતી અને તે ખેતરના માલિકના ત્યાં મજૂરી કરતી હતી.

ખેતરના માલિકે જણાવ્યુ કે આ ઘટના ગઈ રાતે ૧૨.૩૦ વાગ્યાની છે. ત્રણ બદમાશોએ ભાઈ-બહેન સાથે મારપીટ કરી, જયારે બંને ભાઈ-બહેનને આનો વિરોધ કર્યો તો આ લોકો ત્યાંથી જતા રહ્યા પરંતુ થોડી વાર પાછા આવ્યા અને કિશોરીનુ અપહરણ કરી લીધુ. આ લોકો કિશોરીને બાઈક પર બળજબરીથી બેસાડીને લઈ ગયા. કિશોરીના ભાઈએ રાતે લગભગ ૧.૪૦ વાગે ખેતરના માલિકને ફોન કર્યો ત્યારબાદ ખેતરમાં પહોંચ્યા. આસપાસ શોધતા કિશોરી મળી નહિ.

અપહરણકર્તાઓની ચુંગાલમાંથી છૂટીને કિશોરી લગભગ ૩ વાગે દ્યરે પહોંચી. બીજી સવારે કિશોરીના ભાઈ અને માને પોતાની સાથે દુષ્કર્મની વાત જણાવી ત્યારબાદ આરોપીઓ સામે કેસ નોંધવામાં આવ્યો. ઘટનાની માહિતી મળ્યા બાદ પોલિસ અધિક્ષક શૈલેન્દ્રસિંહ ચૌહાણ ઘટના સ્થળે પહોંચ્યા અને સ્થિતિની માહિતી લીધી. કિશોરી પાસે દ્યટનાની માહિતી લીધા બાદ તેનુ મેડિકલ કરાવવામાં આવ્યુ. પોલિસ સ્ટેશન પ્રભારી ગેહલોત સેમલિયાએ જણાવ્યુ કે અમે આરોપીઓની બાઈકની માહિતી મેળવવાની કોશિશ કરી રહ્યા છે. સાથે જ આરોપીઓની શોધ પણ ચાલુ છે અને જલ્દી અમે આરોપીઓની ધરપકડ કરીશુ.