Gujarati News

Gujarati News

News of Thursday, 1st October 2020

પાકિસ્તાનમાં બળાત્કારનો ભોગ બનેલી 17 વર્ષીય હિન્દૂ યુવતીની આત્મહત્યા : બળાત્કારનો આરોપી અવારનવાર બ્લેકમેલ કરતો હોવાથી કુવામાં ઝંપલાવી દીધું

પેશાવર : પાકિસ્તાનના થરપાકર સ્થિત 17 વર્ષીય હિન્દૂ યુવતીએ કુવામાં ઝંપલાવી આત્મહત્યા કરી લીધી છે.જેના કારણમાં જાણવા મળ્યા મુજબ બળાત્કારનો આરોપી અવારનવાર બ્લેકમેલ કરતો હતો.જે હાલમાં જામીન  ઉપર મુક્ત છે.
પીડિતાના પિતા તથા પરિવારજનોએ જણાવ્યું હતું કે તેમની દીકરી ઉપર જુલાઈ 2019 માં ત્રણ નરાધમોએ બળાત્કાર કર્યો હતો.જેઓ હાલમાં જામીન મુક્ત છે.જેમણે બળાત્કાર કરવાની સાથોસાથ ઘટનાનો વિડિઓ પણ ઉતારી લીધો હતો.
તબીબી રિપોર્ટમાં પણ બળાત્કાર થયાનું પુરવાર થયું હતું .તેવું સમાચાર સૂત્રો દ્વારા જાણવા મળે છે.

(8:29 pm IST)