Gujarati News

પુણે, તા.૨૭: મહારાષ્ટ્રના પુણેમાં એક ચોંકાવનારી દ્યટના સામે આવી છે. પોલીસે એક વ્યકિતની ધરપકડ કરવામાં આવી જેના પર આપોર છે કે તેણે શહેરના ૭૦ ઓટો ડ્રાઈવરના ફોન ચોરી કર્યા છે. પોલીસનું કહેવું છે કે તેણે આ ચોરી બદલો લેવાની ભાવનાથી કરી છે. તેની ગર્લફ્રેન્ડે ભાગીને એક ઓટો ડ્રાઈવર સાથે લગ્ન કરી લીધા હતા. ત્યાર બાદ આરોપી ઓટો ડ્રાઈવરના ફોન ચોરી કરવા લાગ્યો

પુણે મિરરના રિપોર્ટ મુજબ આરોપી અમદાવાદમાં એક રેસ્ટોરન્ટ ચલાવતો હતો. તેનું નામ આસિફ ઉર્ફ ભૂરાભાઈ આરિફ શેખ છે. મોદીખાનાનું રહેવાસી છે. આરોપી આસિફ માત્ર ઓટો ડ્રાઈવરને નિશાન બનાવતો હતો અને તેમના મોબાઈળ ચોરી કરતો. પોલીસે સોમવારે આરોપીની ધરપકડ કરી અને કોર્ટે ૨૭ ઓગસ્ટ સુધી પોલીસ રીમાન્ડમાં મોકલી દીધો છે.

આરિફે પોલીસને જણાવ્યું કે ૨૦૧૯માં અમદાવાદમાં તે પોતાનું રેસ્ટોરન્ટ વેચીને ગર્લફ્રેન્ડ સાથે પુણે આવી ગયો. પરતુ બે દિવસ બાદ તેની ગર્લફ્રેન્ડ બધા પૈસા લઈને એક ઓટો ડ્રાઈવર સાથે ભાગી ગઈ. ત્યાર બાદ તેણે ઓટો ડ્રાઈવર સાથે બદલો લેવા માટે ચોરી કરવાની શરૂ કરી અને અત્યાર સુધીમાં ૭૦ ઓટો ડ્રાઈવરના ફોન ચોરી કરી ચૂકયો છે.