Gujarati News

Gujarati News

News of Saturday, 14th November 2020

નવુ વરસ, વિતે સરસ : કાલે વલ્લભભાઇ દુધાત્રાનો જન્મદિન

રાજકોટ : દિવાળીના દિપ ઝળહળી રહ્યા છે. વિક્રમ સવંતના નવા વરસે દ્વારે ટકોરા માર્યા છે. શહેરના પૂર્વ ડે.મેયર શ્રી વલ્લભભાઇ દુધાત્રા માટે આ વખતે નૂતન વર્ષ સાથે જોગાનુજોગ જન્મદિનની બેવડી ખુશાલી આવી છે. તેમનો જન્મ ૧૯૬૧ના વર્ષની તા. ૧૫ નવેમ્બરે થયેલ. આવતીકાલે ઝગમગતા જીવનના ૬૦માં વરસના દ્વારે ટકોરા મારશે.

મૂળ કુવાડવાના વતની શ્રી વલ્લભભાઇ બાળપણથી જ રાષ્ટ્રીય સ્વયંસેવક સંઘના રંગે રંગાયેલા છે. ત્રણ વખત કોર્પોરેટર તરીકે ચૂંટાયેલા. શહેર ભાજપના ઉપપ્રમુખ અને મહામંત્રી તરીકે રહી ચૂકયા છે. આ ખેડૂત પુત્રના હૈયે કોઠાસુઝ સોળ આની ઉગી છે. રાજકારણમાં જેને ન ગમતા હોય એના માટે નગણ્ય હોય શકે પણ પ્રજાકીય દ્રષ્ટિએ અગ્રગણ્ય છે. 'સુતળી બોંબ' જેવા રાજકારણના જમાનામાં તેઓ પોતાની 'ફુલઝર' સળગતી રાખી શકયા છે. તેમણે લોકોને કોરોનાની ગાઇડ લાઇનનું પાલન કરવાની અપીલ સાથે દીપાવલી અને નવા વરસની શુભકામના પાઠવી છે. આજ મુબારક, કાલ મુબારક, દરિયા જેટલુ વહાલ મુબારક, સૌને સાલ મુબારક...

મો. ૯૮૨૪૦ ૧૧૦૧૧ રાજકોટ.

(11:25 am IST)
  • કાંદિવલીમાં 24 માં માળે આગ લાગી: મહારાષ્ટ્ર: મુંબઇના કાંદિવલી પૂર્વ વિસ્તારના ઠાકુર ગામમાં ચેલેન્જર્સ ટાવરના 24 મા માળના ફ્લેટમાં આગ લાગી: હજી સુધી કોઈ જાનહાનિ નોંધાઈ નથી. access_time 11:38 pm IST

  • અમદાવાદ મ્‍યુનિસિપલ કોર્પોરેશનના હેરિટેજ પ્રોજેક્‍ટના ડેપ્‍યુટી જનરલ મેનેજર કે.વી.નાયરનું કોરોના ઇન્‍ફેક્‍શનને લીધે મૃત્‍યુ થયું access_time 5:12 pm IST

  • મુંબઈ સહિત મહારાષ્ટ્રમાં જામતી ઠંડીઃ કાલથી ચેન્નાઈમાં ધમધોકાર વરસાદ : મહારાષ્ટ્રમાં મુંબઈ, પુણે, નાસિક, મહાબલેશ્વર સહિતના સ્થળોએ રાત્રીના અને વ્હેલી સવારે હવે ઠંડી જામતી જશે : વિશ્વ પ્રસિદ્ધ મહાબળેશ્વરમાં તો ૧૧-૧૨ ડિગ્રી જેવું ઠંડુ ઉ.માન થઈ જશે : ચેન્નાઈમાં આવતીકાલથી ૨૪-૨૫ બે દિવસ ધમધોકાર વરસાદ પડશે : ૨૫મીએ ૪ ઈંચથી પણ વધુ ભારે વરસાદ ખાબકવાની આગાહી થઈ છે : કાલે અને પરમદિવસે, મંગળ-બુધવારે જોરદાર પવન ફૂંકાશે : દિલ્હીનું હવામાન સવારનું ૧૧ ડિગ્રી અને દિવસનું ૨૪ ડિગ્રી આસપાસ રહેશે access_time 11:31 am IST