Gujarati News

Gujarati News

News of Friday, 4th December 2020

કપરાડા પોલીસે અનેક કેસમાં વોન્ટેડ બુટલેગર રાહુલ ધાકલ ગવળીને વાંસદા કોર્ટ પાસેથી પકડી પાડ્યો

રાહુલ વિરૂદ્ધ કપરાડા સિવાય ધરમપુર, પારડી સુરત અને ચિખલી પોલીસ મથકે દારૂની હેરાફેરીનો ગુનો

(કાર્તિક બાવીશી દ્વારા )વલસાડના કપરાડા પોલીસ મથક તેમજ જિલ્લાના અન્ય પોલીસ મથકના દારૂની હેરાફેરીના ગુનામાં વોન્ટેડ એવા સેલવાસના બુટલેગરને કપરાડા પોલીસે વાંસદા કોર્ટ પાસેથી ઝબ્બે કરી લીધો હતો. ડીએસપી રાજદિપસિંહ ઝાલાની બુટલેગરોને પકડવાની સૂચનાના પગલે ડીવાયએસપી વી. એચ. જાડેજાના માર્ગદર્શન મુજબકોન્સ્ટેબલ  પીએસઆઇ ભાદરકા, હેડકોન્સ્ટેબલ પ્રવિણભાઇ કરસનભાઇ, કોન્સ્ટેબલ અનિલભાઇ છનિયાભાઇ અને મુકેશભાઇ પ્રતાપસિંહે બાતમીના પગલે વાંસદા કોર્ટ પાસે વોચ ગોઠવી હતી. આ દરમિયાન અહીં આવેલા બુટલેગર રાહુલ ધાકલ ગવળીને તેમણે પકડી પાડ્યો હતો. રાહુલ વિરૂદ્ધ કપરાડા સિવાય ધરમપુર, પારડી સુરત અને ચિખલી પોલીસ મથકે દારૂની હેરાફેરીનો ગુનો દાખલ થયો હતો

(6:33 pm IST)
  • દેશમાં કોરોનાથી સ્વસ્થ થનારની સંખ્યા 90 લાખને પાર પહોંચી : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 9 વાગ્યા સુધીમાં કોરોનાના નવા 29,331 કેસ નોંધાયા:કુલ કેસની સંખ્યા 95,64,565 થઇ :એક્ટીવ કેસ 4, 14,924 થયા : વધુ 35,536 દર્દીઓ સ્વસ્થ થતા કુલ 90,07,247 રિકવર થયા :વધુ 416 ના મોત સાથે કુલ મૃત્યુઆંક 1,39,102 થયો access_time 12:21 am IST

  • મોસ્કોમાં એક સાથે કોવિદ વેકિસન આપવા જબ્બર તૈયારીઓ : શનિવારથી રશિયાના મોસ્કો ખાતે સમગ્ર શહેરમાં કોવિડ વેકિસન સેન્ટરો ઉભા કરવામાં આવશે, તે સાથે જ મોસ્કોમાં એકસાથે કોરોના વેકસિન આપવાનું ભગીરથ કાર્ય હાથ ધરાશે. access_time 10:46 am IST

  • ગ્રેટર હૈદરાબાદ મ્યુનિસિપલ કોર્પોરેશન ચૂંટણી : સત્તાધારી પાર્ટી TRS નો 44 બેઠકો ઉપર વિજય : ઓવૈસીની AIMIM પાર્ટીએ 39 બેઠકો કબ્જે કરી : 32 બેઠકો ઉપર ભગવો લહેરાયો : સાંજે 6:30 વાગ્યા સુધીના પરિણામ : કુલ બેઠક 150 : મત ગણતરી ચાલુ : 2016 ની સાલમાં સત્તાધારી પાર્ટી TRS ને 99 તથા ઓવૈસીની પાર્ટીને 44 બેઠકો મળી હતી : ભાજપે 4 બેઠકો ઉપર વિજય મેળવ્યો હતો access_time 7:15 pm IST