Gujarati News

Gujarati News

News of Monday, 28th September 2020

અમદાવાદ મનપાનું સતત સરપ્રાઇઝ ચેકિંગ વસ્ત્રાપુર, SG હાઇવે પર 3 યુનિટ સીલ કર્યા

રાત્રે 10 વાગ્યા પછી ચાલુ રાખતા બે દુકાનો અને એસજી હાઇવે પર રાજપથ રેસ્ટોરન્ટને સીલ કરાયું

અમદાવાદ: મનપા દ્વારા આજે પણ સરપ્રાઇજ ચેકિંગ હાથ ધરાયુ હતું જેમાં શહેરના વસ્ત્રાપુર વિસ્તારમાં રાત્રે 10 વાગ્યા પછી પણ દુકાન ચાલુ રાખવા બદલ બે દુકાનો જ્યારે એસજી હાઇવે પર આવેલી રાજપથ રેસ્ટોરન્ટને પણ સીલ કરી દેવાઈ છે .

મનપા  દ્વારા વખતોવખત જાહેરાત કરવા છતાં નિયમોનું પાલન કરવામાં સંચાલકો નિષ્ફળ જતાં હોવાનું ધ્યાન પર આવ્યું છે. જેથી અમદાવાદ મ્યુનિ. કોર્પોરેશનેએસ.જી.હાઈવે, સિંધુ ભવન રોડ, આઇઆઇએમ રોડ વગેરે મળીને કુલ 27 વિસ્તારોની દુકાનો રાત્રીના 10 વાગ્યાથી સવારે 6 વાગ્યા સુધી દુકાનો બંધ રાખવાની જાહેરાત કરી હતી. આ જાહેરાતનો અમલ થયો છે કે નહીં તે જોવા કોર્પોરેશનની ટીમ નીકળી હતી. ત્યારે વસ્ત્રાપુર વિસ્તારની બે દુકાનો ખુલ્લી હોવાનું જણાતા સીલ કરવામાં આવી હોવાની કોર્પોરેશને જાહેરાત કરી છે. જેમાં વસ્ત્રાપુરના સરદાર ચોકમાં આવેલી એમબીએ ચાઇ વાલા તથા માનસી પાસેની મેનેજમેન્ટ એનકલેવનો સમાવેશ થાય છે. જ્યારે ઇસ્કોન બ્રિજ એસજી હાઇવે પર આવેલી રાજપથ રેસ્ટોરન્ટને પણ સીલ કરી દેવામાં આવી છે.

એસ.જી.હાઈવે, સિંધુ ભવન રોડ, આઇઆઇએમ રોડ વગેરે સ્થળોએ યુવાનો એકઠા થાય છે. તેઓ માસ્ક પહેરતા નથી અને સોશિયલ ડિસ્ટનસિંગ જાળવતા નહિ હોવાથી તેમને નિયમોનું પાલન કરતા નહિ હોવાનું કોર્પોરેશનના ધ્યાન પર આવ્યું હતું. ઘણા યુનિટોને સીલ માર્યા પછી પણ કોવિડ 19ની ગાઇડલાઈનનો ભંગ થતો હોવાથી આજે ઉક્ત નિર્ણય લેવામાં આવ્યો હતો.

(1:06 am IST)
  • દેશમાં કોરોનાના કહેર વચ્ચે રાહત : સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 65,943 કેસ નોંધાયા : કુલ કેસની સંખ્યા 61,39,294 થઇ : હાલમાં 9,45,852 એક્ટીવ કેસ : વધુ 82,881 દર્દીઓ સ્વસ્થ થતા કુલ 50,96,260 રિકવર થયા : વધુ 746 લોકોના મોત સાથે મૃત્યુઆંક 96,322 થયો access_time 1:12 am IST

  • દેશમાં કોરોનાના કહેર વચ્ચે સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 80,500 કેસ નોંધાયા:કુલ કેસની સંખ્યા 62,23,519 થઇ હાલમાં 9,40,473 એક્ટીવ કેસ: વધુ 86,061 દર્દીઓ સ્વસ્થ થતા કુલ 51,84,634 રિકવર થયા : વધુ 1178 લોકોના મોત સાથે મૃત્યુઆંક 97,529 થયો access_time 1:04 am IST

  • નાગપુર સહિત પૂર્વ વિસ્તારમાં ચોમાસાનો અંતિમ રાઉન્ડ ચાલુ ૧૦ ઓકટોબર પહેલા ચોમાસું પાછું ખેંચાશે નહીં : આ ચોમાસાની સિઝનનો ગાજવીજ સાથે વરસાદનો અંતિમ રાઉન્ડ નાગપુર સહિત પૂર્વ વિદર્ભમાં ચાલી રહ્યો છે. ૩૦ સપ્ટેમ્બરથી અહીં ગરમ અને સૂકું હવામાનની સંભાવના છે. ૧૦ ઓકટોબર પહેલા ચોમાસુ પાછું ખેંચવાની શકયતા નથી. access_time 3:59 pm IST