Gujarati News

Gujarati News

News of Wednesday, 9th September 2020

ઓસ્ટ્રેલીયાએ ત્રીજો ટી-૨૦ જીત્યો : રેન્કિંગમાં ફરી નં. ૧, પરંતુ સિરીઝ હાર્યું

અંતિમ ટી-૨૦ ઇંગ્લેન્ડ ૧૪૫/૫ : ઓસ્ટ્રેલિયા ૧૪૬/૫

સાઉધમ્પ્ટન,તા. ૯: ટી-૨૦ સીરીઝની ત્રીજી અને અંતિમ મેચમાં ઓસ્ટ્રેલિયાએ ઇંગ્લેન્ડને ૫ વિકેટે હરાવ્યું હતું. આ જીતની સાથે ઓસ્ટ્રેલિયા ફરીથી ટી-૨૦ આંતરાષ્ટ્રીય રેન્કિંગમાં પ્રથમ સ્થાને પહોંચી ગયું છે.જો કે ઓસ્ટ્રેલિયા સીરીઝ ૨-૧ થી હારી ગયું હતું.

પ્રથમ દાવ લેતા ઓસ્ટ્રેલિયાને ૧૪૬ રનનો લક્ષ્યાંક આપ્યો હતો. ઇંગ્લેન્ડના જોની બેરસ્ટોએ ૪૪ બોલમાં ૫૫ રન ફટકાર્યા હતા. મેચમાં જોસેફ લીમ ડેનલીએ ૧૯ બોલમાં ૨૯ રન બનાવ્યા હતા. એડમ ઝામ્પાએ બે વિકેટ લીધી હતી.

મિશેલ માર્શ (૩૯) અને એરોન ફિંચ (૩૯) ની મદદથી ઓસ્ટ્રેલીયાએ ૧૯.૩ ઓવરમાં આ લક્ષ્ય પાર કરી લીધો હતો. ઇંગ્લેન્ડ તરફથી આદિલ રાશિદે ૩ વિકેટ ઝડપી હતી. ત્રીજા ટી-૨૦ ઓસ્ટ્રેલીયા ભલે જીતી ગયું હતું. અંતિમ મુકાબલો જીતવાની સાથે આઇસીસી ઓસ્ટ્રેલિયા રેન્કીંગમાં ફરીથી ટોચના સ્થાને પહોંચી ગયું છે.

(3:19 pm IST)
  • ૧૧ અને ૧૨ સપ્ટેમ્બર દરમિયાન ગુજરાતમાં હળવો વરસાદ પડવાની અને ૧૮ થી ૨૪ સપ્ટેમ્બર વચ્ચે તેમાં સાધારણ વધારો થવાની જાહેરાત ભારતીય હવામાન ખાતાએ આજે કરી છે access_time 11:35 am IST

  • રોનાલ્ડો ૧૦૦ ગોલના કલબમાં : પાંચ વખત બૈલન ડિ'ઓરના વિજેતા ક્રિસ્ટીયાનો રોનાલ્ડો ૧૦૦ આંતર રાષ્ટ્રીય ગોલ કરનાર ફુટબોલ ઇતિહાસના બીજા પુરૂષ અને પ્રથમ યુરોપીયન ખેલાડી બની ગયા છે. રોનાલ્ડોએ તેના ૧૩પ આંતરરાષ્ટ્રીય મેચોમાં યુએફ નેશનલ લીગમાં સ્વીડન સામે ગોલ કરી આ ઉપલબ્ધી હાંસલ કરી હતી. રોનાલ્ડોએ ર૦૦૩ માં આંતરરાષ્ટ્રીય ફુટબોલ ક્ષેત્રે પદાર્પણ કર્યુ હતું. access_time 3:19 pm IST

  • કંગના રનૌત મુંબઈમાં દાખલ : ઉદ્ધવ ઠાકરે ઉપર નિશાન સાધ્યુ : કહ્યું, આજે મારૃં ઘર તોડ્યુ, કાલે તમારો ઘમંડ તૂટશે...!! : કંગનાએ વિડીયોમાં બાબરની ઉપમા આપી તો શિવસેનાના રાષ્ટ્રીય પ્રવકતા સંજય રાઉતે કહ્યું અમે જ તો બાબરી તોડી હતી : કંગનાની ૪૮ કરોડની ઓફીસ ઉપર શિવસેનાના વડપણ હેઠળના મુંબઈ કોર્પોરેશને બુલડોઝર ફેરવી દેવાતા મોટું નુકશાન થયુ છે : કંગનાએ કહ્યુ કે આ લોકશાહીની હત્યા છે access_time 4:52 pm IST