Gujarati News

નવી દિલ્હી,તા.૯: અભિષેક જાયસવાલ, વારાણસીઃવડાપ્રધાન નરેન્દ્ર મોદીના આત્મનિર્ભર ભારત અભિયાનથી પ્રેરિત થઈને ઉત્ત્।રપ્રદેશના વારાણસીની એક યુવતીએ મહિલાઓની સુરક્ષા માટેનું એક ખાસ સેફ્ટી ડિવાઈસ તૈયાર કર્યું છે. માત્ર રૂપિયા ૬૫૦નાખર્ચે વારાણસીની યુવતી રચના રાજેન્દ્રએ 'વુમન સેફ્ટી હેન્ડ ગ્રેનેડ' બનાવ્યો છે.

મુશ્કેલીના સમયમાં મહિલાઓ આ 'વુમન સેફ્ટી હેન્ડ ગ્રેનેડ'ની મદદથી ફાયર કરી શકે છે. આ હેન્ડ ગ્રેનેડને માત્ર જમીન પર ફેંકતા તે યુવતીના ઘરવાળા સહિત પોલીસને આ ડિવાઈસ ફોનની સાથે-સાથે લોકેશનની પણ જાણકારી આપશે.

'વુમન સેફ્ટી હેન્ડ ગ્રેનેડ' તૈયાર કરનાર આ યુવતીએ જણાવ્યું કે આ ડિવાઈસ વાયરલેસ ડિસ્ટન્સ સેન્સર ટેકનોલોજી પર આધારિત છે. આ ડિવાઈસમાં સિમ કાર્ડ લગાવવામાં આવે છે, જે મુશ્કેલીના સમયમાં એકસાથે ૫ લોકોને ફોન વિના કોલ કરી શકે છે. ૪ મહિનાની મહેનત અને રૂપિયા ૬૫૦ના ખર્ચે આ ડિવાઈઝ તૈયાર કરવામાં આવ્યું છે.

'વુમન સેફ્ટી હેન્ડ ગ્રેનેડ' વિશે વાત કરતા આ યુવતીએ જણાવ્યું કે 'વુમન  સેફ્ટી હેન્ડ ગ્રેનેડ'થી ફાયરિંગ કરતા માત્ર મોટો અવાજ થાય છે. જેના કારણે આસપાસના લોકોનું તે બાજુ ધ્યાન આકર્ષિત થાય છે. આ રીતે મુશ્કેલીના સમયમાં મહિલા પોતાને બચાવી શકે છે.

 'વુમન  સેફ્ટી હેન્ડ ગ્રેનેડ' તૈયાર કરનાર યુવતીએ જણાવ્યું કે પીએમઓ તરફથી પરમિશન મળશે તો જલદી જ આ ડિવાઈસની સાબિતિ આપીને તે માર્કેટમાં લાવીશું.