Gujarati News

Gujarati News

News of Saturday, 29th August 2020

સુરતમાં ૧૪ રત્નકલાકારોને કોરોનાઃ ખળભળાટ

કોર્પોરેશન દ્વારા સરપ્રાઇઝ ચેકીંગ : એક કારખાનુ સીલઃ અન્ય કારખાનાવાળા અને દુકાનદારો પાસેથી દંડ વસુલાયો

 સુરતઃ મનપા દ્વારા કોરોનાને  કાબુમાં કરવા અનેક પ્રયાસો કરવામાં આવી રહ્યા છે.   અનેક વિસ્તારોમાં સપ્રાઇઝ ચેકિંગ કરી ત્યા કોરોનાની ગાઇડલાઇનની તપાસ કરવાની સાથે કર્મચારીઓના રેપીડ ટેસ્ટ  પણ કરાવામા આવે છે. જેના ભાગરૂપે   મનપા દ્વારા કતારગામ નંદુડોસીની વાડી અને આસપાસના હિરા કારખાનાઓમાં   સપ્રાઇઝ ચેકિંગ હાથ ધરવામાં આવતા એક સાથે ૧૪ પોઝીટીવ કેસ આવતા ખળભળાટ મચી ગયો છે.

 નંદુડોસીની વાડીમાં આવેલા એન નરેશ એન્ડ કંનીના કારખાનમાંથી એક સાથે ૧૪ પોઝિટિવ કેસ મળી આવ્યા હતા, જેથી તેને તાત્કાલીક અસરથી બંધ કરી દેવામાં આવેલું. આ ઉપરાંત કતારગામમાં અન્ય એક કારખાનાને પણ બંધ કરાવવામાં આવેલું જયારે અન્ય બે કારખાના પાસેથી ૬ હજારનો દંડ વસુલ કરવામાં આવ્યો હતો.   શહેરમાં૨૯૭ પાથરણા વાળાને પણ બંધ કરાવવાની સાથે પાંચ દુકાનો પણ બંધ કરાવવામાં આવી હતી. 

સુરતના કતારગામ વિસ્તારમાં આવેલી નંદુડોશીની વાડી નજીમ ટોરેન્ટ પાવર પ્લસ ની બિલ્ડીંગના ત્રીજા માળે એન.નરેશ એન્ડ કંપનીના હીરાના કારખાનામાં સરપ્રાઇઝ રેપીડ ટેસ્ટ કરાતા ૧૪ જેટલાં રત્નકલાકારોના કોરોના વાયરસ રિપોર્ટ પોઝિટિવ આવતા હીરાનું કારખાનું બંધ કરી દેવાયું હતું. કતારગામના ગોપીનાથજી ઇમ્પેક્ષમાં પણ એસઓપીના નિયમોના ભંગ બદલ યુનિટ બંધ કરાવી દેવાયું હતુ. 

(2:38 pm IST)
  • અમેરિકામાં કોરોનામાંથી સાજા થયેલ દર્દીને ફરી કોરોના વળગ્યો : અમેરિકામાં કોરોના ઇન્ફેકશનનો પ્રથમ કેસ નોંધાયા અને જાહેર થયું છે આમ યુએસએમાં કોરોના એક વખત થઈ ગયા પછી દર્દી સાજો થઈ ગયા પછી તેને ફરી કોરોના થયાનો બનાવ પ્રથમ વખત નોંધાયો છે જે ખૂબ જ ચિંતાજનક ગણવામાં આવે છે. access_time 11:14 am IST

  • સુનિલ ગાવસ્કરે અભિપ્રાય વ્યકત કર્યો : સચિનની જેમ કોઇની પાસે બેટીંગ પરફેકશન નથી : બેટીંગમાં પરફેકશનની વાત છે ત્યાં સુધી સચિન તેની સૌથી નજીક હતો, મેં કયારેય કોઇ બેટસમેન આવો જોયો નથી : સુનિલ ગાવસ્કર access_time 3:31 pm IST

  • બે ખેલાડી સહિત બીસીસીઆઈના ૧૩ લોકોને કોરોના વળગતા હડકંપ : ક્રિકેટ કંટ્રોલ બોર્ડ ઓફ ઇન્ડિયા (બીસીસીઆઇ)એ જાહેર કર્યું છે કે તેમના બે ખેલાડીઓ સહિત ૧૩ ઓફિસરોને કોરોનાવાયરસ પોઝિટિવ આવ્યો છે. આ તમામ અસરગ્રસ્ત લોકો અને તેમના નજીકના સંપર્કમાં આવેલ લોકો એસિમ્પટોમેટિક છે અને તેમને તમામને ટીમના બીજા સભ્યોથી અલગ કરી દેવામાં આવ્યા છે. access_time 5:22 pm IST