<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />

સાઉદી એરલાઇન્સના વિમાનનું ટાયર ફાટ્યું અને આગ લાગી: ઇમર્જન્સી દરવાજા હોલી તમામ મુસાફરોને હેમખેમ ઉતારવામાં આવ્યા:પાકિસ્તાનના પેશાવર એરપોર્ટ ઉપર સાઉદી એરલાઇન્સના એક વિમાનમાં આગ લાગી હતી, જેમાં ૨૭૬ મુસાફરો અને ૨૧ ક્રુ મેમ્બરો સવાર હતા. આ ફ્લાઈટ સાઉદી અરેબિયાના રિયાધથી પાકિસ્તાનના પેશાવર એરપોર્ટ ઉપર આવી હતી. :પાકિસ્તાનના આ એરપોર્ટ ઉપર ઉતરતી વખતે સાઉદી એરલાઇન્સની ફ્લાઈટમાં કોઈ સમસ્યાના કારણે ટાયર ફાટ્યું હતું અને આગ લાગી હતી. જો કે કોઈ જાનહાની કે ઇજાના અહેવાલ નથી. :ટાયર ફાટયાના અહેવાલો મળતા જ ભારે ગભરાટ ફેલાયેલ. તમામ મુસાફરોને ઇમરજન્સી દરવાજા દ્વારા બહાર કાઢવામાં આવ્યા હતા. આગ ઉપર તરત કાબુ મેળવી લેવામાં આવેલ..8:08 PM IST

ભોલેબાબા ઉપર કેમ કોઈ આંગળી ચીંધતું નથી, પગલાં લેતું નથી ? લોકસભાની ૧૦ અને વિધાનસભાની ૫૦ બેઠકો ઉપર તેમનું વર્ચસ્વ છે:હાથ રસ હત્યાકાંડ સર્જાયો તે પહેલા આધ્યાત્મિક ઉપદેશક સુરજપાલ ઉર્ફે ભોલે બાબાના મેનપૂરીથી આગરા સુધીના વિસ્તારોમાં ભારે સંખ્યામાં સમર્થકો છે. :આ વિસ્તારોમાં લોકસભાની ૧૦ અને વિધાનસભાની ૫૦ સીટો આવે છે, આ કારણોસર હાથરસકાંડના આ બાબા વિરુદ્ધ એફઆઇઆર હજી સુધી નોંધાઈ નથી તેવી ભારે ચર્ચા છે. :હાથરસ દુર્ઘટનામાં સવાસો લોકો માર્યા ગયા છે, તેને એક અઠવાડિયું થઈ ગયું છે. યુપી સરકારે એસડીએમ સહિત છ ઓફિસરને સસ્પેન્ડ કરી દીધા છે પરંતુ જેમનો ઉપદેશ સાંભળવા લાખો લોકોની ભીડ એકત્ર થયેલ તેના ઉપર કોઈપણ આંગળી ચીંધવામાં આવી નથી. જોકે પોલીસ સતત તેમને શોધી રહ્યાના અહેવાલો આવી રહ્યા છે અને બાબાનો કોઈ પત્તો નથી એમ પણ કહેવાય છે.8:08 PM IST

રાજસ્થાન દિલ્હી ગોવા મધ્ય મહારાષ્ટ્ર કર્ણાટક સહિત ઉત્તર પૂર્વના રાજ્યોમાં આવતા બે દિવસ ભારે વરસાદની ચેતવણી હવામાન ખાતા દ્વારા રેડ એલર્ટ:દેશના અનેક રાજ્યોમાં હાલમાં વરસાદ વરસી રહ્યો છે. કેટલાક રાજ્યોમાં પૂરની સ્થિતિ છે. ત્યારે હવામાન ખાતાએ દેશના સંખ્યાબંધ રાજ્યોમાં ફરીથી ભારે વરસાદ માટે એલર્ટ જાહેર કરેલ છે. :હવામાન ખાતાના સિનિયર સાયન્ટિસ્ટ ડો. નરેશ કુમારે કહ્યું છે કે આવતા બે દિવસ દરમિયાન પૂર્વોત્તર ભારતમાં ભારે વરસાદની સંભાવના છે, તો ૧૨થી ૧૫ જુલાઈ દરમિયાન કોંકણ, ગોવા, મધ્ય મહારાષ્ટ્ર અને કર્ણાટકના કાંઠાના વિસ્તારોમાં ભારે વરસાદની સંભાવના છે. :ચોમાસાની ધરી હવે ઉત્તર તરફ ફેરવાઈ રહી છે જેના પ્રભાવમાં ઉત્તરના રાજ્યોમાં ભારે વરસાદની સ્થિતિ બની છે અને હવામાન વિભાગે આ રાજ્યો માટે રેડ એલર્ટ જાહેર કરેલ છે જેમાં આસામ મેઘાલય અને અરુણાચલ પણ સામેલ છે.:તેમણે વધુમાં કહ્યું કે વેસ્ટ ઝોનમાં પણ ભારે વરસાદનું અનુમાન છે. હવે પછી રાજસ્થાન એમપી છત્તીસગઢમાં બે થી ત્રણ દિવસ મધ્યમથી ભારે વરસાદ પડી શકે છે, જ્યારે દિલ્હી અને એનસીઆરમાં બે દિવસ હળવા વરસાદની સંભાવના છે.8:07 PM IST

અતીક અહેમદના વકીલ વિજય મિશ્રા હિસ્ટ્રીશીટર જાહેર : વકીલ વિજય મિશ્રાને કેન્ટોનમેન્ટ પોલીસ સ્ટેશનમાં હિસ્ટ્રીશીટર તરીકે સૂચિબદ્ધ કર્યા : ઉત્તર પ્રદેશમાં પ્રયાગરાજ પોલીસે ગેંગસ્ટર અતીક અહેમદના વકીલ વિજય મિશ્રાને કેન્ટોનમેન્ટ પોલીસ સ્ટેશનમાં હિસ્ટ્રીશીટર તરીકે સૂચિબદ્ધ કર્યા છે. મીડિયા અહેવાલો અનુસાર, પોલીસે પહેલાથી જ અતીક અહેમદના પુત્રો મોહમ્મદ ઉમર અને અલી અહેમદને પ્રયાગરાજ જિલ્લાના ખુલદાબાદ પોલીસ સ્ટેશનમાં અનુક્રમે '48B' અને '57B' નંબર સાથે હિસ્ટ્રી-શીટર તરીકે સૂચિબદ્ધ કર્યા છે. વિજય મિશ્રા અતીક અહેમદના બીજા વકીલ છે જેમને હિસ્ટ્રી-શીટર તરીકે સૂચિબદ્ધ કરવામાં આવ્યા છે. જૂનમાં, અન્ય વકીલ ખાન સૌલત હનીફને હિસ્ટ્રી-શીટર તરીકે સૂચિબદ્ધ કરવામાં આવ્યા હતા.12:59 PM IST

મુખ્યમંત્રી ભૂપેન્દ્રભાઈ પટેલની સૌજન્ય મુલાકાતે ઓસ્ટ્રેલિયાની ડીકીન યુનિવર્સિટીના વાઇસ ચાન્સેલર શ્રીયુત પ્રોફેસર ઇયાન માર્ટીન અને ઓસ્ટ્રેલિયાના કોન્‍સ્યુલેટ જનરલ શ્રીયુત પોલ મર્ફી : ડીકીન યુનિવર્સિટીને ગિફ્ટ સિટીમાં યુનિવર્સિટી શરૂ કરવા માટેની સમગ્ર પ્રક્રિયા માત્ર ૧૮ મહિનાના ટુંકાગાળામાં રાજ્ય સરકારના પ્રો-એક્ટિવ અભિગમ અને સહયોગથી પાર પડી : ડીકીન યુનિવર્સિટીના વાઇસ ચાન્‍સેલરે મુખ્યમંત્રીનો આભાર વ્યક્ત કર્યો:ગિફ્ટ સિટી ફિનટેક હબ બનવા સાથે હાયર એજ્યુકેશન ફેસેલિટીઝનું પણ હબ બને તે દિશામાં આગળ વધવા જરૂરી સહયોગની મુખ્યમંત્રી શ્રી ભૂપેન્‍દ્ર પટેલની તત્પરતા9:27 PM IST

TRP ગેમ ઝોનઃ જમીન માલીકોને ર૬ લાખ ર૧ હજારનો દંડ : કલેકટર પ્રભવ જોષી આકરા પાણીએઃ કૂલ ૧૪૮૮ર ચો.મી. જમીનમાં રહેણાંકને બદલે કોમર્શીયલ કામગીરી ૬ વર્ષથી થતી હોવાનું ખૂલ્‍યું... : TRP ગેમ ઝોનમાં એક આરોપી પાર્ટનરનું પણ મૃત્‍યુ થયું છેઃ તેમને સહાય ચૂકવવા અંગે હજુ સુધી સરકારમાંથી કોઇ મંજૂરી નથી : કલેકટર કચેરીના ઇતિહાસમાં આજ સુધીનો સૌથી મોટો દંડ આ જમીનમાં પાર્ટી પ્‍લોટ પણ આવરી લેવાયોઃ પાર્ટી પ્‍લોટમાં પણ શરતભંગ સાબીતઃ ૩ મહિનામાં હેતુફેર ન કરાવે તો કોર્પોરેશન બાંધકામ તોડી પાડવા સહિતના આકરા પગલા લેશેઃ પ્રભવ જોષીએ કોર્પોરેશનને રીપોર્ટ કર્યોઃ દંડની રકમ ન ભરે તો રેવન્‍યુ રાહે વસૂલાતઃ મીલકતો ઉપર બોજા નોંધ લદાશે2:48 PM IST