<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />

મહિલા ડોક્ટરે બૂમો પાડવાનું શરૂ કરતાં હત્યારાએ જ્યાં સુધી તે મૃત્યુ ન પામી ત્યાં સુધી ગળું દબાવ્યે રાખ્યું: પોલિગ્રાફ ટેસ્ટમાં ખુલેલી વિગતો:પોલીગ્રાફ ટેસ્ટમાં કોલકત્તાના આરજી કર મેડિકલ કોલેજમાં રેપ અને મર્ડરની ઘટનામાં બહાર આવ્યું છે કે મહિલા ડોક્ટરનો જીવ બચી શકત પરંતુ તે બૂમો પાડવા લાગી એટલે આરોપીએ જ્યાં સુધી તે મરી ગઈ નહીં ત્યાં સુધી ગળું દબાવ્યે રાખ્યું હતું. આ ખુલાસો ખુદ આરોપી સંજય રોયએ કર્યો હતો. તેણે કહેલ કે મહિલા ડોક્ટર ભરઊંઘમાં સુતી હતી ત્યારે બળાત્કાર કરવા પ્રયાસ કરેલ અને પીડીતાએ પોતાને બચાવવા કોશિશ કરેલ. સંજય બોક્સિંગનો સારો ખેલાડી હોય પીડિતાને દબાવી દીધી હતી અને મારી નાખેલ.6:31 PM IST

કચ્છમાં ડિપ્રેશન ઈફેક્ટ : કંઠાળ પટ્ટીમાં ભારે વરસાદ : આખા જિલ્લામાં આખી રાત ક્યારેક ધોધમાર તો ક્યારેક ધીમો વરસાદ ચાલુ રહ્યા બાદ આજ સવારથી પણ કાળા ડિબાંગ વાદળોથી ઘેરાયેલા આકાશ અને ઠંડા પવન સાથે વરસાદ ચાલુ જ છે. ગઈકાલ ૨૮/૮ ના સવારે ૬ થી આજે ૨૯/૮ ના સવારે ૬ વાગ્યા સુધી, છેલ્લા ૨૪ કલાકમાં અબડાસા ૧૧ ઇંચ, લખપત ૯ ઈંચ, નખત્રાણા, માંડવી ૮ ઈંચ, અંજાર ૫ ઈંચ, મુન્દ્રા ૪ ઈંચ, ગાંધીધામ ૩ ઈંચ, ભુજ સાડા ત્રણ ઈંચ, ભચાઉ દોઢ ઈંચ, રાપર ૧ ઈંચ વરસાદ. સતત વરસાદને કારણે અનેક ગામોમાં વીજ પુરવઠો ખોરવાયો, મોબાઇલ નેટવર્ક પણ ખોરવાયું. હજી ભારે ડિપ્રેશન ઈફેક્ટની શક્યતા હોઈ સૌ લોકોને ઘરની અંદર રહેવા બહાર નહીં નીકળવા તંત્રએ અપીલ કરી છે, જિલ્લા, તાલુકા મથકોએ કંટ્રોલ રૂમ સાથે તંત્ર એલર્ટ છે. (રિપોર્ટ: વિનોદ ગાલા, અકિલા, ભુજ)8:33 AM IST

છેલ્લા ૨૪ કલાકમાં ખંભાળિયા તાલુકામાં સૌથી વધુ ૧૮.૧૬ ઇંચ વરસાદ : સૌથી ઓછો દ્વારકા તાલુકામાં ૧૦ ઇંચ વરસાદ ખંભાળિયા: હવામાન વિભાગ દ્વારા રાજ્યમાં ભારેથી અતિભારે વરસાદની આગાહી કરવામાં આવી છે. દેવભૂમિ દ્વારકા જિલ્લામાં છેલ્લા ૨૪ કલાકમાં ખંભાળિયા તાલુકામાં સૌથી વધુ ૧૮.૧૬ ઇંચ વરસાદ નોંધાયો છે. જિલ્લા કંટ્રોલ રૂમમાંથી મળેલા આંકડા મુજબ જિલ્લામાં ખંભાળિયા તાલુકામાં ૧૮.૧૬ ઇંચ, ભાણવડ તાલુકામાં ૧૦.૭૨ ઇંચ, કલ્યાણપુર તાલુકામાં ૧૦.૪૦ ઇંચ તેમજ દ્વારકા તાલુકામાં ૧૦.૦૪ ઇંચ જેટલો વરસાદ નોંધાયો છે. જિલ્લામાં અત્યાર સુધીનો વરસાદ જોઈએ તો ખંભાળિયા તાલુકામાં ૧૯૦૦ મી.મી., દ્વારકા તાલુકામાં ૧૭૮૨ મી.મી., કલ્યાણપુર તાલુકામાં ૧૬૭૪ મી.મી. અને ભાણવડ તાલુકામાં ૧૧૨૧ મી.મી. વરસાદ નોંધાયો છે.11:12 AM IST